സൗദി ബാലന് കൊല്ലപ്പെട്ട കേസില് 18 വര്ഷമായി റിയാദിലെ ജയിലില് കഴിയുന്ന കോഴിക്കോട് ഫറോക്ക് കോടമ്പുഴ സ്വദേശി മച്ചിലകത്ത് അബ്ദുല് റഹീമിന്റെ ...
സൗദി ബാലന് കൊല്ലപ്പെട്ട കേസില് 18 വര്ഷമായി റിയാദിലെ ജയിലില് കഴിയുന്ന കോഴിക്കോട് ഫറോക്ക് കോടമ്പുഴ സ്വദേശി മച്ചിലകത്ത് അബ്ദുല് റഹീമിന്റെ മോചനം വൈകും. വിധി പറയുന്നത് സൗദി കോടതി വീണ്ടും മാറ്റി.
ഒന്നര കോടി സൗദി റിയാല് (34 കോടിയിലേറെ ഇന്ത്യന് രൂപ) ദിയാധനം നല്കുകയും കോടതി വധശിക്ഷ ഒഴിവാക്കുകയും ചെയ്തെങ്കിലും പബ്ലിക് റൈറ്റ് പ്രകാരമുള്ള കേസില് തീര്പ്പുണ്ടാവാത്തതിനാല് മോചന കാര്യത്തില് അനിശ്ചിതത്വം തുടര്ന്നിരുന്നു. ഇതിനുവേണ്ടിയുള്ള ആദ്യ സിറ്റിങ് ഒക്ടോബര് 21നാണ് നടന്നത്.
എന്നാല്, ബഞ്ച് മാറിയെന്നും വധശിക്ഷ ഒഴിവാക്കിയ ബെഞ്ച് തന്നെയാണ് മോചന കാര്യത്തിലും തീരുമാനമെടുക്കേണ്ടതെന്നും അറിയിച്ച് കോടതി കേസ് മാറ്റിവെക്കുകയായിരുന്നു.
തുടര്ന്ന് കഴിഞ്ഞ നവംബര് 17 ന് വധശിക്ഷ ഒഴിവാക്കിയ അതേ ബഞ്ച് കേസ് പരിഗണിച്ചു. എന്നാല്, വിഷയം സൂക്ഷ്മമായി പരിശോധിക്കേണ്ടതുള്ളതിനാല് കൂടുതല് സമയം ആവശ്യപ്പെട്ട് കോടതി ഡിസംബര് എട്ടിലേക്ക് മാറ്റി. ആ തീയതിയില് നടന്ന സിറ്റിങ്ങിലും തീരുമാനമായില്ല.
എന്നാല്, പ്രോസിക്യൂഷന് ആവശ്യപ്പെട്ട വിശദീകരണം പ്രതിഭാഗത്തിന് നല്കാനായി. അത് കൂടി പരിശോധിച്ച് വിധി പ്രഖ്യാപനം ഡിസംബര് 12ലേക്ക് മാറ്റുകയായിരുന്നു.
തുടര്ന്ന് ഡിസംബര് 12ന് റഹീമിന്റെ കേസ് പരിഗണിക്കുന്നതിനായി റിയാദ് ക്രിമിനല് കോടതിയില് ചേരാന് നിശ്ചയിച്ച സിറ്റിങ് സാങ്കേതിക കാരണങ്ങളാല് വീണ്ടും മാറ്റിവെക്കുകയായിരുന്നു. തുടര്ന്നാണ് കേസ് ഇന്ന് കോടതി പരിഗണിച്ചത്.
Key Words: Murder of a Saudi Boy, Abdul Rahim, Prison, Riyadh
COMMENTS