തുടർച്ചയായ രണ്ടാം ദിവസവും സ്വർണവില ഉയർന്നു, പവന് 57,640 രൂപ

കൊച്ചി: സംസ്ഥാനത്ത് വീണ്ടും സ്വര്‍ണവില ഉയര്‍ന്നു. തുടര്‍ച്ചയായി രണ്ടാം ദിവസമാണ് വില ഉയര്‍ന്നത്. പവന് 600 രൂപയുടെ വര്‍ദ്ധനവ് ആണ് ഉണ്ടായിരിക്...

കൊച്ചി: സംസ്ഥാനത്ത് വീണ്ടും സ്വര്‍ണവില ഉയര്‍ന്നു. തുടര്‍ച്ചയായി രണ്ടാം ദിവസമാണ് വില ഉയര്‍ന്നത്. പവന് 600 രൂപയുടെ വര്‍ദ്ധനവ് ആണ് ഉണ്ടായിരിക്കുന്നത്. അന്താരാഷ്ട്ര സ്വര്‍ണ്ണവില 2670 ഡോളറിലാണ്. വിപണിയില്‍ ഒരു പവന്‍ സ്വര്‍ണത്തിന്റെ ഇന്നത്തെ വിപണി വില 57,640 രൂപയാണ്.  

ആഗോള വിപണിയില്‍ ഇന്നലെ സ്വര്‍ണം രണ്ടാഴ്ചയിലെ ഏറ്റവും ഉയര്‍ന്ന നിരക്കിലും വെള്ളി നാലാഴ്ചയിലെ ഏറ്റവും ഉയര്‍ന്ന നിലയിലും എത്തിയിരുന്നു. 

സംസ്ഥാനത്ത് മൂന്ന് ദിവസങ്ങള്‍ക്ക് ശേഷം ഇന്നലെയാണ് സ്വര്‍ണവില ഉയര്‍ന്നത്. പവന് ഇന്നലെ 120 രൂപയാണ് വര്‍ധിച്ചത്. ഇതോടെ സ്വര്‍ണവില വീണ്ടും 57,000 ത്തിന് മുകളില്‍ എത്തി. ഇന്ന് ഒരു ഗ്രാം 22 കാരറ്റ് സ്വര്‍ണത്തിന്റെ വില 75 രൂപ ഉയര്ന്ന 7205 ലേക്കെത്തി. ഒരു ഗ്രാം 18  കാരറ്റ് സ്വര്‍ണത്തിന്റെ വില 10 രൂപ ഉയര്‍ന്ന് 5950 രൂപയായി. 

അതേസമയം, വെള്ളിയുടെ വില കുത്തനെ ഉയര്‍ന്നു. ഒരു ഗ്രാം ഹാള്‍മാര്‍ക്ക് വെള്ളിയുടെ വില മൂന്ന് രൂപ ഉയര്‍ന്ന് 103 രൂപയായി.

Key words: Gold Price, Hike, Business