തിരുവനന്തപുരം: അന്തരിച്ച സംഗീത സംവിധായകന് ബാലഭാസ്കറിന് സ്വര്ണ്ണ കള്ളക്കടത്ത് സംഘവുമായി ബന്ധമില്ലെന്ന് സി ബി ഐ. ബാലഭാസ്കറിനെ സംഘവുമായി ബന...
തിരുവനന്തപുരം: അന്തരിച്ച സംഗീത സംവിധായകന് ബാലഭാസ്കറിന് സ്വര്ണ്ണ കള്ളക്കടത്ത് സംഘവുമായി ബന്ധമില്ലെന്ന് സി ബി ഐ. ബാലഭാസ്കറിനെ സംഘവുമായി ബന്ധിപ്പിക്കുന്നതിനോ അദ്ദേഹത്തിന്റെ മരണത്തില് കള്ളക്കടത്ത് സംഘത്തിനുള്ള ബന്ധത്തിനോ ഒരു തെളിവും കണ്ടെത്താന് കഴിഞ്ഞില്ലെന്നും സി ബി ഐ വ്യക്തമാക്കി.
ബാലഭാസ്കറിന്റെ മരണത്തിന് പിന്നില് സ്വര്ണ കള്ളക്കടത്തു സംഘത്തിന്റെ പങ്കില് മാതാപിതാക്കള് സംശയം ഉന്നയിച്ച പശ്ചാത്തലത്തിലാണ് സി ബി ഐയുടെ അനുബന്ധ റിപ്പോര്ട്ടിലെ കണ്ടെത്തല്.
2018 സെപ്റ്റംബര് 25 നാണ് തിരുവനന്തപുരം പള്ളിപ്പുറത്തിന് സമീപം വാഹനാപകടത്തില് ബാലഭാസ്കര് മരിക്കുന്നത്. ബാലഭാസ്കറിന്റെ സുഹൃത്തുക്കളായ സുഹൃത്തുക്കളായ പ്രകാശ് തമ്പി, വിഷ്ണു സോമസുന്ദരം എന്നിവര് സ്വര്ണക്കള്ളക്കത്തില് പിന്നീട് പിടിയിലായിരുന്നു.
എന്നാല് ബാലഭാസ്കറിന്റെ മരണത്തിനു ശേഷം 2018 ഒക്ടോബറിനും 2019 മെയ്ക്കും ഇടയിലാണ് ഇവര് കള്ളക്കടത്ത് നടത്തിയതെന്നാണ് സി ബി ഐ തുടരന്വേഷണ റിപ്പോര്ട്ടില് വ്യക്തമാക്കുന്നത്.
COMMENTS