ബി.ജെ.പി.യിലേക്ക് ക്ഷണം ലഭിച്ചിരുന്നു, പക്ഷേ ഒരിക്കലും ബി.ജെ.പിക്കാരനാകാൻ പറ്റില്ലെന്ന് ശശി തരൂർ

തിരുവനന്തപുരം: ബി.ജെ.പി.യിലേക്ക് തനിക്ക് ക്ഷണം ലഭിച്ചിരുന്നുവെന്ന് തുറന്നുപറഞ്ഞ് കോണ്‍ഗ്രസ് പ്രവര്‍ത്തക സമിതി അംഗവും തിരുവനന്തപുരം എംപിയുമായ...

തിരുവനന്തപുരം: ബി.ജെ.പി.യിലേക്ക് തനിക്ക് ക്ഷണം ലഭിച്ചിരുന്നുവെന്ന് തുറന്നുപറഞ്ഞ് കോണ്‍ഗ്രസ് പ്രവര്‍ത്തക സമിതി അംഗവും തിരുവനന്തപുരം എംപിയുമായ ശശി തരൂര്‍.

യു.എന്‍. സെക്രട്ടറി ജനറല്‍ സ്ഥാനത്തേയ്ക്ക് മത്സരിച്ച് പരാജയപ്പെട്ട കാലത്താണ് ഈ സംഭവം ഉണ്ടായതെന്നാണ് തരൂര്‍ പറയുന്നത്. അന്ന് വാജ്പേയി സര്‍ക്കാരിലെ ഒരു മന്ത്രി ന്യൂയോര്‍ക്കിലെ തന്റെ ഓഫീസിലെത്തി ബി.ജെ.പിയിലേക്ക് ക്ഷണിച്ചു. എന്നാല്‍ തങ്ങള്‍ ഇരുവരുടെയും കാഴ്ചപ്പാട് ഒന്നല്ലാത്തതിനാലും, രാജ്യത്തെ തങ്ങള്‍ വീക്ഷിക്കുന്ന വിധം വെവ്വേറെയായതിനാലും താന്‍ ഒഴിവാക്കിവിട്ടതാണെന്നും തരൂര്‍ മനസുതുറന്നു.

വര്‍ഷങ്ങളോളം താന്‍ ഒരു രാഷ്ട്രീയത്തിലാണ് പ്രവര്‍ത്തിച്ചത്, അന്നെല്ലാം താന്‍ വിമര്‍ശിച്ച മറ്റൊരു രാഷ്ട്രീയത്തിലേക്ക് തനിക്ക് പോകാന്‍ സാധിക്കുമായിരുന്നില്ലെന്നും തരൂര്‍ കൂട്ടിച്ചേര്‍ത്തു. ഒരുപക്ഷേ അവര്‍ തന്നെ വിദേശകാര്യ മന്ത്രിയാക്കുമായിരുന്നെന്നും എന്നാല്‍ ഒരിക്കലും തനിക്ക് ഒരു ബി.ജെ.പിക്കാരനാകാന്‍ സാധിക്കില്ലെന്നും താന്‍ മറുപടി പറഞ്ഞതായും തരൂര്‍ വെളിപ്പെടുത്തുന്നു.

Key Words: Shashi Tharoor, BJP