മനുഷ്യ ബോംബാണെന്ന് യാത്രക്കാരന്‍, നെടുമ്പാശ്ശേരിയില്‍ നാടകീയ രംഗങ്ങള്‍; വിസ്താര പറന്നത് അര മണിക്കൂറിലേറെ വൈകി,

കൊച്ചി: മനുഷ്യ ബോംബാണെന്ന യാത്രക്കാരന്റെ ഭീഷണിയെത്തുടര്‍ന്ന് നെടുമ്പാശ്ശേരിയില്‍ നിന്നുള്ള വിസ്താര വിമാനം യാത്ര തുടങ്ങിയത് അര മണിക്കൂറിലേറെ ...

കൊച്ചി: മനുഷ്യ ബോംബാണെന്ന യാത്രക്കാരന്റെ ഭീഷണിയെത്തുടര്‍ന്ന് നെടുമ്പാശ്ശേരിയില്‍ നിന്നുള്ള വിസ്താര വിമാനം യാത്ര തുടങ്ങിയത് അര മണിക്കൂറിലേറെ വൈകി. വൈകിട്ട് 3.50 ന് മുംബൈക്ക് പുറപ്പെടാനൊരുങ്ങിയ വിമാനത്തിലെ യാത്രക്കാരനായ മഹാരാഷ്ട്ര സ്വദേശി വിജയ് മന്ദായനാണ് ഭീഷണി മുഴക്കിയത്.

തുടരെ തുടരെ ഭീഷണിയുള്ളതിനാല്‍ ഇപ്പോള്‍ രണ്ടുവട്ടം ദേഹ പരിശോധനയുണ്ട്. ഇത്തരത്തില്‍  വിമാനത്തിലേക്ക് പ്രവേശിക്കുന്ന സമയത്ത് വിമാന കമ്പനിയുടെ രണ്ടാം ഘട്ട സുരക്ഷാ വിഭാഗം പരിശോധനക്കൊരുങ്ങിയപ്പോഴാണ് താന്‍ മനുഷ്യ ബോംബാണെന്നും പരിശോധനക്കൊരുങ്ങരുതെന്നും ഭീഷണി മുഴക്കിയത്. തുടര്‍ന്ന് സി ഐ എസ് എഫുകാര്‍ ഇയാളെ ബലം പ്രയോഗിച്ച് പരിശോധനക്ക് വിധേയമാക്കിയെങ്കിലും ബോംബ് കണ്ടെത്താനായില്ല. 

ഇയാളെ യാത്ര ചെയ്യാനനുവദിക്കാതെ നെടുമ്പാശ്ശേരി പൊലീസിന് കൈമാറി. 3.50 ന് പകരം 4.20 നാണ് വിമാനം മുംബൈക്ക് പറന്നത്.

Key Words: Bomb Threat, Vistara Flight, Cochin nternational Airport