തിരുവനന്തപുരം: സംസ്ഥാന, ദേശീയ ചലച്ചിത്ര പുരസ്കാരങ്ങള് ഇന്ന് പ്രഖ്യാപിക്കും. 2022 ലെ പുരസ്കാരങ്ങളാണ് ദേശീയ അവാര്ഡില് പ്രഖ്യാപിക്കുന്നത്....
തിരുവനന്തപുരം: സംസ്ഥാന, ദേശീയ ചലച്ചിത്ര പുരസ്കാരങ്ങള് ഇന്ന് പ്രഖ്യാപിക്കും. 2022 ലെ പുരസ്കാരങ്ങളാണ് ദേശീയ അവാര്ഡില് പ്രഖ്യാപിക്കുന്നത്. പകല് മൂന്നിനാണ് പ്രഖ്യാപനം. അതേസമയം, 2023 ലെ ചിത്രങ്ങളാണ് സംസ്ഥാന അവാര്ഡില് പരിഗണിക്കുന്നത്. ചലച്ചിത്ര പുരസ്കാര പ്രഖ്യാപനം രാവിലെ 11 മണിക്ക് നടക്കും.
ദേശീയ ചലച്ചിത്ര അവാര്ഡില് മികച്ച നടനുള്ള പുരസ്കാരത്തില് മലയാള താരം മമ്മൂട്ടിയും കന്നഡ താരം ഋഷഭ് ഷെട്ടിയുമാണ് അവസാന റൗണ്ടിലെന്ന് വാര്ത്തകള് വന്നിരുന്നു. സംസ്ഥാന ചലച്ചിത്ര പുരസ്കാരങ്ങളില് സംവിധായകനും തിരക്കഥാകൃത്തുമായ സുധീര് മിശ്രയാണ് ജൂറി അധ്യക്ഷന്. സംവിധായകന് പ്രിയനന്ദനനും ഛായാഗ്രാഹകന് അഴകപ്പനുമാണ് പ്രാഥമിക ജൂറി അധ്യക്ഷന്മാര്. സംവിധായകന് ലിജോ ജോസ് പെല്ലിശേരി, എഴുത്തുകാരന് എന് എസ് മാധവന് എന്നിവര് ജൂറി അംഗങ്ങളാണ്.
രണ്ട് ഘട്ടങ്ങളായാണ് സംസ്ഥാന ചലച്ചിത്ര പുരസ്കാരങ്ങളുടെ സ്ക്രീനിംഗ് നടന്നത്. 160 സിനിമകളാണ് ആദ്യ ഘട്ടത്തില് മത്സരത്തിന് ഉണ്ടായിരുന്നതെങ്കില് ചിത്രങ്ങള് രണ്ടാം ഘട്ടത്തില് അമ്പതില് താഴെയായി ചുരുങ്ങി. കഴിഞ്ഞ രാജ്യാന്തര ചലച്ചിത്ര മേളയില് പ്രദര്ശിപ്പിച്ച ചിത്രങ്ങളെയും മത്സരത്തില് പരിഗണിച്ചിട്ടുണ്ട്.
Key Words: Film Awards, Movie
COMMENTS