ലൈംഗികാതിക്രമം : ജയസൂര്യക്കെതിരെ ജാമ്യമില്ലാ വകുപ്പ് പ്രകാരം കേസെടുത്തു

കൊച്ചി :  നടന്‍ ജയസൂര്യക്കെതിരെ ലൈംഗികാതിക്രമത്തിന് പൊലീസ് കേസെടുത്തു. കൊച്ചി സ്വദേശിയായ നടിയുടെ പരാതിയിലാണ് നടപടി.  ജാമ്യമില്ലാ വകുപ്പുകള്‍...

കൊച്ചി:  നടന്‍ ജയസൂര്യക്കെതിരെ ലൈംഗികാതിക്രമത്തിന് പൊലീസ് കേസെടുത്തു. കൊച്ചി സ്വദേശിയായ നടിയുടെ പരാതിയിലാണ് നടപടി. 

ജാമ്യമില്ലാ വകുപ്പുകള്‍ പ്രകാരമാണ് തിരുവനന്തപുരം കന്റോണ്‍മെന്റ് പൊലീസ് ജയസൂര്യക്ക് എതിരെ കേസെടുത്തത്. നടിയുടെ 7 പരാതികളില്‍ രജിസ്റ്റര്‍ ചെയ്യുന്ന ആദ്യത്തെ കേസാണ് നടനെതിരെയുള്ളത്. നടിയുടെ മൊഴി ഇന്നലെ പ്രത്യേക  അന്വേഷണസംഘം രേഖപ്പെടുത്തിയിരുന്നു. ഇതിന് പിന്നാലെയാണ് ജയസൂര്യക്കെതിരെ കേസെടുത്തത്. 

നടിയുടെ ആലുവയിലെ വീട്ടിലെത്തിയാണ് പ്രത്യേക അന്വേഷണ സംഘത്തില്‍ ഉള്‍പ്പെട്ട ഡി ഐ ജി അജിതാ ബീഗവും ജി പൂങ്കുഴലിയുമടക്കമുള്ളവരുടെ നേതൃത്വത്തില്‍ മൊഴിയെടുക്കല്‍ നടന്നത്. 

അതേസമയം, സിനിമാ താരങ്ങളില്‍ ആരോപണ വിധേയരായ കൂടുതല്‍ പേര്‍ക്കെതിരെ ഇന്ന് കേസെടുത്തേക്കുമെന്നാണ് വിവരം. മുകേഷ്, ഇടവേള ബാബു, മണിയന്‍ പിള്ള രാജു എന്നിവരടക്കമുള്ളവക്കെതിരെയാണ് പൊലീസ് ഇന്ന് കേസെടുക്കാന്‍ സാധ്യത.

Key Words: Jayasurya, Case, Non-Bailable