തിരുവനന്തപുരം : സംസ്ഥാനത്ത് നിരോധിത പ്ലാസ്റ്റിക്ക് ക്യാരി ബാഗുകളും ഉല്പ്പന്നങ്ങളും ഉപയോഗിക്കുന്നവര്ക്കെതിരെ കര്ശന നടപടിയെടുക്കാന് സര്ക്...
തിരുവനന്തപുരം: സംസ്ഥാനത്ത് നിരോധിത പ്ലാസ്റ്റിക്ക് ക്യാരി ബാഗുകളും ഉല്പ്പന്നങ്ങളും ഉപയോഗിക്കുന്നവര്ക്കെതിരെ കര്ശന നടപടിയെടുക്കാന് സര്ക്കാര് തീരുമാനം. നിരോധിത പ്ലാസ്റ്റിക്ക് ഉല്പ്പനങ്ങള് നിരുത്സാഹപ്പെടുത്താന് കര്ശന നടപടിയെടുക്കാനും യോഗത്തില് തീരുമാനമായി.
പൊതുനിരത്തിലും ജലാശയത്തിലും മാലിന്യം നിക്ഷേപിക്കുന്ന വാഹനങ്ങളുടെ രജിട്രേഷന് റദ്ദ് ചെയ്യുന്നതുള്പ്പെടെയുള്ള കര്ശന നടപടികള് സ്വീകരിക്കും. മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന യോഗത്തില് ഇത് സംബന്ധിച്ച തീരുമാനം എടുത്തത്. ആമയിഴഞ്ചാന് തോടിലെ മാലിന്യപ്രശ്നവുമായി ബന്ധപ്പെട്ട് വിളിച്ച യോഗത്തിലായിരുന്നു തീരുമാനം.
അതേസമയം, ആമയിഴഞ്ചാന് രക്ഷാദൗത്യത്തില് സാഹസികമായി പങ്കെടുത്തവരെ പ്രത്യേകിച്ച് സ്കൂബ ടീമിനെ മുഖ്യമന്ത്രി യോഗത്തില് അഭിനന്ദിച്ചു. സാംക്രമിക രോഗങ്ങള് തടയാന് മാലിന്യ നീക്കം പ്രധാനമാണെന്ന് മുഖ്യമന്ത്രി പറഞ്ഞു. എല്ലാ ദിവസവും ശാസ്ത്രീയമായ മാലിന്യ സംസ്ക്കരണം റെയില്വേ ഉറപ്പ് വരുത്തണം. തമ്പാനൂര് റെയില്വേ സ്റ്റേഷനിലൂടെ ഒഴുകുന്ന 130 മീറ്റര് നീളമുള്ള ടണല് ശുചീകരിക്കണമെന്ന് ഇന്ത്യന് റെയില്വേയോട് നിര്ദ്ദേശിച്ചു.
ട്രയിനുകളില് നിന്നും ശേഖരിക്കുന്ന മാലിന്യങ്ങള് ശാസ്ത്രീയമായി സംസ്കരിക്കുന്നുവെന്ന് ഉറപ്പാക്കാന് റെയില്വേ എഞ്ചിനീയറിംഗ് വിഭാഗം ആഴ്ചയിലൊരിക്കല് പരിശോധന നടത്തണം. ഓണ്ലൈനായി ചേര്ന്ന യോഗത്തില്ചീഫ് സെക്രട്ടറി ഉള്പ്പെടെയുള്ള ഉന്നത ഉദ്യോഗസ്ഥരും റെയില്വേ ഡിവിഷണല് മാനേജരും യോഗത്തില് പങ്കെടുത്തു.
തദ്ദേശ സ്വയംഭരണം, പൊതുമരാമത്ത്, തൊഴില്, ഭക്ഷ്യം,കായികം -റെയില്വേ, ആരോഗ്യം, ജലവിഭവം വകുപ്പ് മന്ത്രിമാരും ബന്ധപ്പെട്ട എംഎല്എമാരും തിരുവനന്തപുരം മേയറും പങ്കെടുത്തു.
Key Words: Banned plastic Carry Bags, Strict Action, Pinarayi Viayan
COMMENTS