തിരുവനന്തപുരം: ലോക്സഭാ തിരഞ്ഞെടുപ്പില് മിന്നുന്ന വിജയം നേടിയെങ്കിലും യു.ഡി.എഫിന്റെ തോല്വി മാത്രം ചര്ച്ച ചെയ്യുന്നത് എന്തിനാണെന്ന് മനസിലാ...
തിരുവനന്തപുരം: ലോക്സഭാ തിരഞ്ഞെടുപ്പില് മിന്നുന്ന വിജയം നേടിയെങ്കിലും യു.ഡി.എഫിന്റെ തോല്വി മാത്രം ചര്ച്ച ചെയ്യുന്നത് എന്തിനാണെന്ന് മനസിലാകുന്നില്ലെന്ന് പ്രതിപക്ഷ നേതാവ് വിഡി സതീശന്. 18 സീറ്റുകളില് യു.ഡി.എഫ് നേടിയ ഉജ്ജ്വല വിജയത്തിന്റെ ശോഭ കെടുത്താനായി ചില മാധ്യമങ്ങള് ഇറങ്ങിയിട്ടുണ്ട്. പത്ത് പേരാണ് ഒരു ലക്ഷം വോട്ടിന് മുകളില് വിജയിച്ചത്. അതില് നാല് പേര്ക്ക് രണ്ട് ലക്ഷത്തിന് മുകളിലും രണ്ട് പേര്ക്ക് മൂന്ന് ലക്ഷത്തിന് മുകളിലും ഭൂരിപക്ഷമുണ്ട്. ആ വിജയത്തിന്റെ ശോഭ കെടുത്തരുത്. എല്ലാവരും തിരഞ്ഞെടുപ്പുകളില് തോറ്റിട്ടുണ്ട്. എന്നിട്ടും തോല്വി മാത്രം ചര്ച്ച ചെയ്യുന്നത് എന്തിനാണെന്ന് മനസിലാകുന്നില്ല - സതീശന് പറഞ്ഞു.
തൃശൂരില് അന്തിക്കാട് ഉള്പ്പെടെ സി.പി.എം കോട്ടകളില് നിന്നാണ് ബി.ജെ.പിയിലേക്ക് വോട്ട് മറിഞ്ഞതെന്നും കരുവന്നൂര് ബാങ്ക് ഇടപാടുമായി ബന്ധപ്പെട്ട് ബി.ജെ.പി - സി.പി.എം ധാരണയുണ്ടായിരുന്നുവെന്നും സി.പി.എം ജില്ലാ സെക്രട്ടറിയെ ഉള്പ്പെടെ അറസ്റ്റ് ചെയ്യുമെന്ന് ഭീഷണിപ്പെടുത്തിയതായും അദ്ദേഹം ആരോപിച്ചു.
തൃശൂരിലെ മുരളീധരന്റെ തോല്വി സംബന്ധിച്ച് പരിശോധിച്ച ശേഷം തുടര് നടപടികള് സ്വീകരിക്കുമെന്നും പാലക്കാട്, ചേലക്കര ഉപതിരഞ്ഞെടുപ്പുകളിലെ സ്ഥാനാര്ത്ഥികളെ ഹൈക്കമാന്ഡാണ് തീരുമാനിക്കുന്നതെന്നും സതീശന് വ്യക്തമാക്കി.
Key Words : VD Satheesan, UDF, Loksabha Election
COMMENTS