തിരുവനന്തപുരം: കേരളത്തില് എസ്എസ്എല്സി കഴിഞ്ഞ് ഉപരിപഠനത്തിനു യോഗ്യത നേടുന്നവര്ക്ക് എഴുതാനും വായിക്കാനും അറിയില്ല എന്ന നിരീക്ഷണം വസ്തുതാവ...
തിരുവനന്തപുരം: കേരളത്തില് എസ്എസ്എല്സി കഴിഞ്ഞ് ഉപരിപഠനത്തിനു യോഗ്യത നേടുന്നവര്ക്ക് എഴുതാനും വായിക്കാനും അറിയില്ല എന്ന നിരീക്ഷണം വസ്തുതാവിരുദ്ധമെന്ന് മന്ത്രി വി.ശിവന്കുട്ടി. മന്ത്രി സജി ചെറിയാന് നടത്തിയ പരാമര്ശം വാര്ത്തയായതിനു പിന്നാലെയാണു ശിവന്കുട്ടിയുടെ പ്രതികരണം. കേരളത്തിലെ സ്കൂള് വിദ്യാഭ്യാസ മേഖലയില് പഠനനിലവാരം കൂടുതല് മെച്ചപ്പെടുത്തണം എന്നുള്ളത് പൊതുസമൂഹം ഉള്ക്കൊള്ളുന്ന ആവശ്യമാണ്. അതിനുള്ള കൂടുതല് പദ്ധതികള് പൊതുവിദ്യാഭ്യാസ വകുപ്പിനു കീഴില് നടക്കുകയാണെന്നും ശിവന്കുട്ടി പറഞ്ഞു.
പ്രീപ്രൈമറി തലം തൊട്ട് പാഠ്യപദ്ധതി പരിഷ്കരണം അടക്കമുള്ള കാര്യങ്ങള് നടപ്പാക്കി വരികയാണ്. അധ്യാപകര്ക്ക് സമയാസമയം പരിശീലനം ലഭ്യമാക്കുന്നുണ്ട്. ആര്ട്ടിഫിഷ്യല് ഇന്റലിജന്സ് അടക്കമുള്ള നൂതന ശാസ്ത്ര, സാങ്കേതിക മേഖലകളില് അധ്യാപകര്ക്കും വിദ്യാര്ത്ഥികള്ക്കും പരിശീലനം നല്കുകയാണ്. ഒന്നാം ക്ലാസ് പിന്നിടുന്ന വിദ്യാര്ത്ഥി മലയാളം അക്ഷരമാല പഠിക്കുമെന്ന് ഉറപ്പാക്കുന്ന രീതിയിലുള്ള പാഠ്യപദ്ധതി പദ്ധതി പരിഷ്കരണ പ്രവര്ത്തനങ്ങളാണ് നിലവില് നടക്കുന്നത്.
രാജ്യത്ത് ഏറ്റവും മികച്ച രീതിയില് പ്രീ പ്രൈമറി, പ്രൈമറി, അപ്പര് പ്രൈമറി, ഹൈസ്കൂള്, ഹയര് സെക്കന്ഡറി വിദ്യാഭ്യാസം നടത്തുന്ന സംസ്ഥാനമാണ് കേരളം. അക്കാദമിക മികവിന്റെ കാര്യത്തില് കേരളം ഒരു വിട്ടുവീഴ്ചയും ചെയ്യില്ല. സ്കൂള് വിദ്യാഭ്യാസത്തിന്റെ അടക്കം കാര്യത്തില് കേന്ദ്ര വിദ്യാഭ്യാസമന്ത്രാലയത്തിന്റെ വികസന സൂചികകളില് കേരളം ഇപ്പോഴും പ്രഥമ ശ്രേണിയിലുണ്ടെന്നും വിദ്യാഭ്യാസ മന്ത്രി ചൂണ്ടി കാട്ടി.
സംസ്ഥാനത്ത് എസ്എസ്എല്സി പാസായ പല കുട്ടികള്ക്കും എഴുത്തും വായനയും അറിയില്ലെന്നായിരുന്നു മന്ത്രി സജി ചെറിയാന് പറഞ്ഞത്. ആലപ്പുഴയില് സ്വകാര്യ സ്ഥാപനത്തിന്റെ ബിരുദദാന ചടങ്ങില് സംസാരിക്കവെയാണ് മന്ത്രി ഇക്കാര്യം പറഞ്ഞത്. ജയിച്ചവരില് നല്ലൊരു ശതമാനത്തിനും എഴുതാനോ വായിക്കാനോ അറിയില്ല. പണ്ടൊക്കെ എസ്എസ്എല്സിക്ക് 210 മാര്ക്ക് കിട്ടാന് ബുദ്ധിമുട്ടായിരുന്നു. ഇപ്പോള് എല്ലാവരും ജയിക്കുകയാണ്. ആരെങ്കിലും എസ്എസ്എല്സി തോറ്റാല് സര്ക്കാരിന്റെ പരാജയമായി ചിത്രീകരിക്കും. രാഷ്ട്രീയ പാര്ട്ടികള് സമരത്തിനിറങ്ങും. അതുകൊണ്ടുതന്നെ എല്ലാവരെയും ജയിപ്പിക്കുകയാണ് സര്ക്കാറിന് നല്ല കാര്യമെന്നുമായിരുന്നു സജി ചെറിയാന്റെ പരാമര്ശം
കേരളത്തിലെ സ്കൂള് വിദ്യാഭ്യാസ മേഖലയില് പഠനനിലവാരം കൂടുതല് മെച്ചപ്പെടുത്തണം എന്നുള്ളത് പൊതുസമൂഹം ഉള്ക്കൊള്ളുന്ന ആവശ്യമാണ്. അതിനുള്ള കൂടുതല് പദ്ധതികള് പൊതു വിദ്യാഭ്യാസ വകുപ്പിന് കീഴിലുള്ള എസ്.സി.ഇ.ആര്.ടി. അടക്കമുള്ള വിദ്യാഭ്യാസ ഏജന്സികള് നടത്തിക്കൊണ്ടിരിക്കുകയാണെന്നും വിദ്യാഭ്യാസ വകുപ്പ് മന്ത്രി വി.ശിവന്കുട്ടി പത്രകുറിപ്പില് വ്യക്തമാക്കി.
Key Words: Saji Cheriyan, V Shivankutty, SSLC Controversy
COMMENTS