കൊച്ചി : നടിയെ ആക്രമിച്ച കേസില് പ്രതിയായ പള്സര് സുനിക്ക് 25,000 രൂപ പിഴ ഇട്ട് ഹൈക്കോടതി. തുടര്ച്ചയായി ജാമ്യാപേക്ഷയുമായി ഹൈക്കോടതിയെ സമീ...
കൊച്ചി : നടിയെ ആക്രമിച്ച കേസില് പ്രതിയായ പള്സര് സുനിക്ക് 25,000 രൂപ പിഴ ഇട്ട് ഹൈക്കോടതി. തുടര്ച്ചയായി ജാമ്യാപേക്ഷയുമായി ഹൈക്കോടതിയെ സമീപിച്ചതിനാണ് പിഴ. ലീഗല് സര്വീസ് അതോറിറ്റിക്കാണ് പ്രതി പിഴത്തുക കൈമാറേണ്ടത്. ഒരു ജാമ്യഹര്ജി തള്ളി മൂന്ന് ദിവസം കഴിഞ്ഞപ്പോള് വീണ്ടും ജാമ്യഹര്ജി ഫയല് ചെയ്തതിനാണ് ജസ്റ്റിസ് പി വി കുഞ്ഞികൃഷ്ണന് പിഴ ചുമത്തിയത്.
പള്സര് സുനിക്ക് പിന്നില് ആരോ പ്രവര്ത്തിക്കുന്നതായി സംശയിക്കുന്നതായും കോടതി പറഞ്ഞു. ഏഴ് വര്ഷമായി ജയിലില് കഴിയുന്ന പ്രതി വിവിധ അഭിഭാഷകര് വഴി ഹൈക്കോടതിയില് മാത്രം 10 തവണയാണ് ജാമ്യഹര്ജി ഫയല് ചെയ്തത്. രണ്ട് തവണ സുപ്രീംകോടതിയേയും സമീപിച്ചിട്ടുണ്ടെന്നും കോടതി ചൂണ്ടിക്കാട്ടി. ലീഗല് സര്വീസ് അതോറിറ്റിയുടെ സഹായത്തോടെയല്ല പ്രതി ജാമ്യഹര്ജി ഫയല് ചെയ്യുന്നത്. സ്വന്തമായി നിയോഗിച്ചിരിക്കുന്ന അഭിഭാഷകര് വഴിയാണെന്നതും കോടതി ചൂണ്ടിക്കാട്ടി.
പ്രതിക്ക് സാമ്പത്തിക ബുദ്ധിമുട്ടില്ലെന്നും തുടര്ച്ചയായി ജാമ്യഹര്ജി ഫയല് ചെയ്യാന് സാമ്പത്തിക സഹായവുമായി ആരോ കര്ട്ടന് പിന്നില് ഉണ്ടെന്നും കോടതി അഭിപ്രായപ്പെട്ടു. നടിയെ ആക്രമിച്ച സംഭവത്തിന് പിന്നില്തന്നെ ഗൂഢാലോചനയുണ്ടെന്ന ആരോപണം ഉണ്ടെന്നതും കോടതി ചൂണ്ടിക്കാട്ടിയിട്ടുണ്ട്.
Key Words: Pulsar Suni, Bail Application, Fine
COMMENTS