ന്യൂഡല്ഹി: ഞായറാഴ്ച അര്ധരാത്രി പിന്നിടുമ്പോള് രാജ്യത്ത് പുതിയ ക്രിമിനല് നിയമങ്ങള് നിലവില് വരും. 164 വര്ഷം പഴക്കമുള്ള ഇന്ത്യന് ശിക്ഷാ...
ന്യൂഡല്ഹി: ഞായറാഴ്ച അര്ധരാത്രി പിന്നിടുമ്പോള് രാജ്യത്ത് പുതിയ ക്രിമിനല് നിയമങ്ങള് നിലവില് വരും. 164 വര്ഷം പഴക്കമുള്ള ഇന്ത്യന് ശിക്ഷാനിയമം അടക്കമുള്ള (ഐ.പി.സി.) മൂന്നു നിയമങ്ങള് ഇതോടെ ചരിത്രമാകും. ഞായറാഴ്ച അര്ധരാത്രിക്കുശേഷമുള്ള പരാതികളില് കേസ് രജിസ്റ്റര് ചെയ്യുന്നതും തുടര്നടപടികള് സ്വീകരിക്കുന്നതുമൊക്കെ പുതിയ നിയമവ്യവസ്ഥപ്രകാരമായിരിക്കും. അതിനുമുന്പുണ്ടായ എല്ലാ കുറ്റകൃത്യങ്ങളിലും നിലവിലെ നിയമപ്രകാരമായിരിക്കും നടപടി. ഇപ്പോള് രജിസ്റ്റര്ചെയ്തിരിക്കുന്ന കേസുകളിലെ നടപടിക്രമം എല്ലാം പൂര്ത്തിയാക്കേണ്ടത് നിലവിലുള്ള നിയമപ്രകാരംതന്നെയായിരിക്കും.
ഐ.പി.സി.ക്കു പകരമായി ഭാരതീയ ന്യായസംഹിതയും (ബി.എന്.എസ്.) സി.ആര്.പി.സി.ക്കു പകരമായി ഭാരതീയ നാഗരിക് സുരക്ഷാസംഹിതയും (ബി.എന്.എസ്.എസ്.), ഇന്ത്യന് തെളിവ് നിയമത്തിനു പകരമായി ഭാരതീയ സാക്ഷ്യ അധീനിയവും (ബി.എസ്.എ.) നിലവില് വരും.
കഴിഞ്ഞവര്ഷം ഓഗസ്റ്റ് 12-നാണ് ആഭ്യന്തരമന്ത്രി അമിത് ഷാ പാര്ലമെന്റില് നിയമത്തിന്റെ കരട് അവതരിപ്പിച്ചത്. അപാകം പരിഹരിച്ച് ഡിസംബര് 13-ന് പുതുക്കി അവതരിപ്പിച്ചു. ഡിസംബര് 25-ന് രാഷ്ട്രപതി അംഗീകാരം നല്കി.
Key Words: New Criminal Laws, Bhaaratheeya Nyaayasamhitha
COMMENTS