കൊച്ചി: കുവൈറ്റില് ഇന്ത്യന് തൊഴിലാളികള് താമസിച്ച ഫ്ളാറ്റിലെ തീപിടിത്തത്തില് മരിച്ച മലയാളികളുടെ എണ്ണം 14 ആയി. പത്തനംതിട്ടയില് നിന്നുള...
കൊച്ചി: കുവൈറ്റില് ഇന്ത്യന് തൊഴിലാളികള് താമസിച്ച ഫ്ളാറ്റിലെ തീപിടിത്തത്തില് മരിച്ച മലയാളികളുടെ എണ്ണം 14 ആയി.
പത്തനംതിട്ടയില് നിന്നുള്ള നാല് പേരും,കൊല്ലത്ത് നിന്നുള്ള മൂന്ന് പേരും, കാസര്ഗോഡ്, മലപ്പുറം, കോട്ടയം എന്നിവിടങ്ങളില് നിന്നുള്ള രണ്ട് പേരും, കണ്ണൂരില് നിന്നുള്ള ഒരാളുമാണ് കുവൈത്തിലെ തീപിടിത്തത്തില് മരിച്ചത്. മരിച്ചവരുടെ കുടുംബങ്ങള്ക്ക് രണ്ട് ലക്ഷം രൂപ കേന്ദ്രസര്ക്കാര് ധനസഹായം പ്രഖ്യാപിച്ചു.
ഇവര് ജീവന് നഷ്ടപ്പെട്ടവര്
കൊല്ലം സ്വദേശികളായ ശൂരനാട് വടക്ക് വയ്യാങ്കര തുണ്ടുവിള വീട്ടില് ഷമീര് ഉമറുദ്ദീന് (30)
പുനലൂര് നരിക്കല് വാഴവിള അടിവള്ളൂര് സാജന് ജോര്ജ് (29)
വെളിച്ചിക്കാല വടകോട്ട് വിളയില് ലൂക്കോസ് (സാബു-48)
പത്തനംതിട്ട സ്വദേശികളായ പന്തളം മുടിയൂര്ക്കോണം ശോഭനാലയത്തില് പരേതനായ ശശിധരന് നായരുടെയും ശോഭനകുമാരിയുടെയും മകന് ആകാശ് ശശിധരന് നായര് (31)
കോന്നി അട്ടച്ചാക്കല് ചെന്നശ്ശേരില് സജു വര്ഗീസ് (56)
വള്ളിക്കോട് വാഴമുട്ടം പുളിനില്ക്കുന്നതില് വടക്കേതില് പി.വി. മുരളീധരന് (68)
തിരുവല്ല മേപ്രാല് ചിറയില് കുടുംബാംഗം തോമസ് ഉമ്മന്(37)
കോട്ടയം സ്വദേശികളായ പാമ്പാടി വിശ്വഭാരതി കോളേജിനു സമീപം ഇടിമണ്ണില് സാബു ഫിലിപ്പിന്റെ മകന് സ്റ്റെഫിന് ഏബ്രഹാം സാബു (29)
ചങ്ങനാശ്ശേരി ഇത്തിത്താനം ഇളങ്കാവ് ഭാഗത്ത് കിഴക്കേടത്ത് വീട്ടില് പ്രദീപ് -ദീപ ദമ്പതികളുടെ മകന് ശ്രീഹരി പ്രദീപ് (27)
മലപ്പുറം സ്വദേശികളായ തിരൂര് കൂട്ടായി കോതപറമ്പ് കുപ്പന്റെപുരക്കല് നൂഹ് (40)
പുലാമന്തോള് തിരുത്ത് സ്വദേശി എം.പി. ബാഹുലേയന് (36)
കണ്ണൂര് ധര്മടം സ്വദേശി വിശ്വാസ് കൃഷ്ണന്
കാസര്കോട് സ്വദേശികളായ ചെങ്കള കുണ്ടടുക്ക ഹൗസിലെ കെ. രഞ്ജിത്ത് (34)
പിലിക്കോട് എരവില് സ്വദേശി കേളു പൊന്മലേരി (58)
അപകടത്തില് ആകെ 49 പേര് മരിച്ചതായാണ് വിവരം. ഇതില് 41 പേരുടെ മരണം സര്ക്കാര് ഔദ്യോഗികമായി സ്ഥിരീകരിച്ചു. ഇതില് 26 പേരെ തിരിച്ചറിഞ്ഞു.
Key Words: Kuwait Tragedy, Fire Accident, Malayalees
COMMENTS