ആലപ്പുഴ: നായയെ മടിയിലിരുത്തി കാറോടിച്ചതിന് പള്ളിവികാരിക്കെതിരേ മോട്ടോര്വാഹന വകുപ്പ് കേസെടുത്തു. നൂറനാട് പടനിലം കത്തോലിക്കാപള്ളി വികാരി കൊല്...
ആലപ്പുഴ: നായയെ മടിയിലിരുത്തി കാറോടിച്ചതിന് പള്ളിവികാരിക്കെതിരേ മോട്ടോര്വാഹന വകുപ്പ് കേസെടുത്തു. നൂറനാട് പടനിലം കത്തോലിക്കാപള്ളി വികാരി കൊല്ലം പേരയം മിനിഭവനിനില് ഫാ. ബൈജു വിന്സന്റിനെതിരേയാണ് ആലപ്പുഴ ആര്.ടി.ഒ. എന്ഫോഴ്സ്മെന്റ് കേസെടുത്തത്. അപകടകരമായി വാഹനം ഓടിച്ചതിന് ഇദ്ദേഹത്തിന്റെ ലൈസന്സും റദ്ദാക്കും.
ജൂണ് ആറിനു വൈകുന്നേരം അഞ്ചിന് ചാരുംമൂട്ടില്നിന്നു പടനിലത്തേക്കുള്ള യാത്രയ്ക്കിടയിലാണു സംഭവം. സ്റ്റിയറിങ്ങിനും തനിക്കുമിടയില് നായയെ ഇരുത്തി വാഹനമോടിക്കുന്നതിന്റെ ദൃശ്യം വികാരി തന്നെ സാമൂഹികമാധ്യമത്തില് ഇട്ടിരുന്നു. ഇതു പ്രചരിച്ചതോടെയാണ് മോട്ടോര്വാഹന വകുപ്പ് അന്വേഷണം നടത്തിയത്.
നായയുടെ കാലിന്റെ ചികിത്സയ്ക്കായി മൃഗാശുപത്രിയില് പോയി മടങ്ങി വരികയായിരുന്നെന്നും അതുകൊണ്ടാണ് നായയെ മടിയില് ഇരുത്തിയതെന്നുമായിരുന്നു ഫാ. ബൈജുവിന്റെ വിശദീകരണം.
ഇത് ഗതാഗത നിയമത്തിന്റെ ലംഘനമാണെന്നാണ് മോട്ടോര് വാഹനവകുപ്പ് ചൂണ്ടിക്കാട്ടുന്നത്.
Key Words: Driving with Dog, Motor Vehicle Department, Case
COMMENTS