കൊച്ചി: മക്കളെ സാക്ഷിയാക്കി ധര്മജന് ബോള്ഗാട്ടിയും ഭാര്യയും വീണ്ടും വിവാഹിതരായി. വിവാഹം നേരത്തെ രജിസ്റ്റര് ചെയ്യാതിരുന്നതിനാലാണ് താരം നി...
കൊച്ചി: മക്കളെ സാക്ഷിയാക്കി ധര്മജന് ബോള്ഗാട്ടിയും ഭാര്യയും വീണ്ടും വിവാഹിതരായി. വിവാഹം നേരത്തെ രജിസ്റ്റര് ചെയ്യാതിരുന്നതിനാലാണ് താരം നിയമപ്രകാരം ഒരു ചടങ്ങായി നടത്തിയത്.
മുമ്പ് ഒളിച്ചോടി ഒരു ക്ഷേത്രത്തില് വിവാഹം നടത്തിയെങ്കിലും നിയമപരമായി രജിസ്റ്റര് ചെയ്തിരുന്നില്ലെന്ന് താരം വ്യക്തമാക്കി. രണ്ട് പെണ്മക്കളാണ് ധര്മജന് ബോള്ഗാട്ടിക്കുള്ളത്. വേദയും വൈഗയുമാണ് ധര്മജന്റെ മക്കള്. നിരവധി ആരാധകരാണ് ധര്മജന് വിവാഹ ആശംസകള് നേരുന്നത്.
തമാശ വേഷങ്ങളില് തിളങ്ങി നില്ക്കുന്ന താരമാണ് ധര്മജന് ബോള്ഗാട്ടി. മിമിക്രി വേദികളിലൂടെയാണ് കലാലോകത്ത് ശ്രദ്ധയാകര്ഷിച്ചത്. സിനിമാല അടക്കം നിരവധി ടെലിവിഷന് ഷോകളിലും ധര്മജന് ബോള്ഗാട്ടി ചിരി വേഷങ്ങളിലെത്തി.
പാപ്പി അപ്പച്ച എന്ന ഹിറ്റ് സിനിമയിലൂടെയാണ് ധര്മജന് ബോള്ഗാട്ടി നടനായി അരങ്ങേറുന്നത്. പാച്ചുവും കോവാലനും, ഓര്ഡിനറി, ചാപ്റ്റേഴ്സ് തുടങ്ങിയവയ്ക്ക് പുറമേ ഐസക് ന്യൂട്ടണ് സണ് ഓഫ് ഫിലിപ്പോസ്, അരികില് ഒരാള്, വസന്തത്തിന്റെ കനല്വഴികളില്, ഒന്നും മിണ്ടാതെ, കുരുത്തും കെട്ടവന, ജിലേബി, അമര് അക്ബര് അന്തോണി, കാട്ടുമാക്കാന്, പ്രേതം, കട്ടപ്പനയിലെ ഹൃത്വിക് റോഷന്, ട്രാന്സ്, ഇരുപത്തിയൊന്നാം നൂറ്റാണ്ട്, കുട്ടനാടന് മാര്പാപ്പ, ആടു ഒരു ഭീകര ജീവിയാണ് എന്നിവയിലും ധര്മ്മജന് ബോള്ഗാട്ടി വേഷമിട്ടു.
ധര്മജന് ബോള്ഗാട്ടി വേഷമിട്ട ചിത്രങ്ങളില് ഒടുവില് എത്തിയത് പവി കെയര്ടേക്കറായിരുന്നു.
Key Words: Dharmajan Bolgatti, Wedding
COMMENTS