തിരുവനന്തപുരം: മെയ് 31 ഓടെ കേരളത്തില് കാലവര്ഷം എത്തിയേക്കും. കാലവര്ഷം അടുത്ത 36 മണിക്കൂറിനുള്ളില് തെക്കു കിഴക്കന് ബംഗാള് ഉള്ക്കടല്,...
തിരുവനന്തപുരം: മെയ് 31 ഓടെ കേരളത്തില് കാലവര്ഷം എത്തിയേക്കും. കാലവര്ഷം അടുത്ത 36 മണിക്കൂറിനുള്ളില് തെക്കു കിഴക്കന് ബംഗാള് ഉള്ക്കടല്, തെക്കന് ആന്ഡമാന് കടല്, നിക്കോബര് ദ്വീപ് എന്നിവിടങ്ങളില് എത്തിച്ചേരാന് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
നിലവില് തെക്കന് തമിഴ്നാടിന് മുകളിലായി ചക്രവാതചുഴി നിലനില്ക്കുന്നുണ്ട്. തെക്കന് ഛത്തീസ്ഗഢില് നിന്ന് തെക്കന് കര്ണാടക വരെ ന്യൂനമര്ദ്ദപാത്തി രൂപപ്പെട്ടിരിക്കുന്നു. മറ്റൊരു ന്യൂനമര്ദ്ദപാത്തി മറാത്തുവാഡയില് നിന്ന് തെക്കന് തമിഴ്നാട് വഴി ചക്രവാത ചുഴിയിലേക്ക് നീണ്ടുനില്ക്കുന്നു.
ഇതിന്റെ ഫലമായി കേരളത്തില് അടുത്ത 6 - 7 ദിവസം ഇടിമിന്നലോടെയും കാറ്റോടും കൂടിയ മിതമായ, ഇടത്തരം മഴക്ക് സാധ്യതയുണ്ട്. ഒറ്റപ്പെട്ട സ്ഥലങ്ങളില് മെയ് 19, 20, 21 തിയ്യതികളില് അതി തീവ്രമായ മഴയ്ക്കും മെയ് 19 മുതല് 22 വരെ ഒറ്റപ്പെട്ട സ്ഥലങ്ങളില് ശക്തമായ, അതിശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
മാത്രമല്ല, തെക്ക് പടിഞ്ഞാറന് ബംഗാള് ഉള്ക്കടലില് മെയ് 22 ഓടെ സീസണിലെ ആദ്യ ന്യൂനമര്ദ്ദം രൂപപ്പെടാന് സാധ്യതയുണ്ട്. വടക്ക് കിഴക്കന് ദിശയില് സഞ്ചരിച്ച് മധ്യ ബംഗാള് ഉള്ക്കടലില് തീവ്ര ന്യൂനമര്ദ്ദമായി ശക്തി പ്രാപിക്കാന് സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചു.
COMMENTS