ഇടുക്കി: ഇടുക്കി ജില്ലയിലെ മലയോരമേഖലകളിലൂടെയുള്ള രാത്രി നിരോധിച്ചു. ഇന്ന് മുതല്‍ റെഡ്, ഓറഞ്ച് അലെര്‍ട്ടുകള്‍ പിന്‍വലിക്കുന്നത് വരെ യാത്ര നിര...
ഇടുക്കി: ഇടുക്കി ജില്ലയിലെ മലയോരമേഖലകളിലൂടെയുള്ള രാത്രി നിരോധിച്ചു. ഇന്ന് മുതല്‍ റെഡ്, ഓറഞ്ച് അലെര്‍ട്ടുകള്‍ പിന്‍വലിക്കുന്നത് വരെ യാത്ര നിരോധിച്ച് ജില്ലാ കളക്ടര്‍ ഉത്തരവായി. നിരോധനം ഫലപ്രദമായി നടപ്പിലാക്കുന്നതിന് ജില്ലാ പോലീസ് മേധാവി, സബ് ഡിവിഷണല്‍ മജിസ്ട്രേറ്റുമാര്‍, റീജിയണല്‍ ട്രാന്‍സ്പോര്‍ട്ട് ഓഫീസര്‍ ,തഹസില്‍ദാര്‍മാര്‍ എന്നിവര്‍ക്ക് കര്‍ശന നിര്‍ദേശം നല്‍കിയിട്ടുണ്ട്.
ഇതര സംസ്ഥാനങ്ങളില്‍ നിന്നും എത്തുന്ന വിനോദ സഞ്ചാരികള്‍ക്ക് മുന്നറിയിപ്പുകള്‍ ലഭ്യമാകുന്നുവെന്ന് ബന്ധപ്പെട്ട ഉദ്യോഗസ്ഥര്‍ ഉറപ്പ് വരുത്തേണ്ടതാണ്. റിസോര്‍ട്ടുകള്‍, ഹോംസ്റ്റേകള്‍, ഹോട്ടലുകള്‍ എന്നിവിടങ്ങളില്‍ എത്തുന്നവര്‍ക്കും മുന്നറിയിപ്പുകള്‍ നല്‍കണം. ജില്ലയിലെ ഓഫ് റോഡ് സഫാരി കര്‍ശനമായി നിരോധിച്ചിട്ടുണ്ട്.
ജില്ലയിലെ വിനോദ സഞ്ചാരമേഖലകളില്‍ സുരക്ഷ ഉറപ്പാക്കുന്നതിനും വെള്ളച്ചാട്ടങ്ങള്‍, ജലാശയങ്ങള്‍ എന്നിവയുമായി ബന്ധപ്പെട്ട കേന്ദ്രങ്ങളില്‍ റെഡ്, ഓറഞ്ച് അലര്‍ട്ടുകള്‍ പിന്‍വലിക്കുന്നതു വരെ നിയന്ത്രണങ്ങള്‍ ഏര്‍പെടുത്തുന്നതിനും വിനോദസഞ്ചാര വകുപ്പ്, ഡിടിപിസി, ഹൈഡല്‍ ടുറിസം, വനം വകുപ്പ്, കെ എസ് ഇ ബി, തദ്ദേശസ്ഥാപനങ്ങള്‍ എന്നിവര്‍ക്ക്ചുമതല നല്‍കി.
Key Words: Rain, Kerala, Red Alert, Idukki
COMMENTS