ഖാലിസ്ഥാന്‍ ഭീകരരില്‍ നിന്നു പണം പറ്റിയെന്ന് ആരോപണം, കെജരിവാളിനെതിരേ എന്‍ ഐ എ അന്വേഷണത്തിന് ലഫ്റ്റനന്റ് ഗവര്‍ണറുടെ ശുപാര്‍ശ, ബിജെപിയുടെ അടുത്ത പകപോക്കലെന്ന് ആം ആദ്മി

ന്യൂഡല്‍ഹി: ഡല്‍ഹി മുഖ്യമന്ത്രി അരവിന്ദ് കെജ്രിവാളിനെതിരെ എന്‍ ഐ എ അന്വേഷണത്തിന് നിര്‍ദ്ദേശിച്ച് ലഫ്റ്റനന്റ് ഗവര്‍ണര്‍ വി കെ സക്‌സേന. നിരോധ...

ന്യൂഡല്‍ഹി: ഡല്‍ഹി മുഖ്യമന്ത്രി അരവിന്ദ് കെജ്രിവാളിനെതിരെ എന്‍ ഐ എ അന്വേഷണത്തിന് നിര്‍ദ്ദേശിച്ച് ലഫ്റ്റനന്റ് ഗവര്‍ണര്‍ വി കെ സക്‌സേന. നിരോധിത സിഖ് സംഘടനയായ സിഖ്‌സ് ഫോര്‍ ജസ്റ്റിസില്‍നിന്ന് പണം കൈപ്പറ്റിയെന്ന പരാതിയെ തുടര്‍ന്നായിരുന്നു അന്വേഷണത്തിന് നിര്‍ദ്ദേശിച്ചത്. 

ഖലിസ്താന്‍ വിഘടനവാദി നേതാവ് ഗുര്‍പത്വന്ത് സിങ് പന്നൂവിന്റെ സംഘടനയില്‍നിന്ന് 134 കോടി രൂപ കൈപ്പറ്റിയെന്ന് ആരോപിച്ച് വേള്‍ഡ് ഹിന്ദു ഫെഡറേഷന്റെ ദേശീയ ജനറല്‍ സെക്രട്ടറി അഷൂ മൊംഗിയ നല്‍കിയ പരാതി കേന്ദ്ര ആഭ്യന്തര സെക്രട്ടറിക്ക് കൈമാറിക്കൊണ്ടുള്ള കത്തിലാണ് എന്‍ ഐ എ അന്വേഷണത്തിന് നിര്‍ദേശിച്ചിട്ടുള്ളത്.

Key Words: Delhi Lt Governor, NIA Probe, Arvind Kejriwal