തിരുവനന്തപുരം: ലോക്സഭ തിരഞ്ഞെടുപ്പില് എല്.ഡി.എഫിന് 12 സീറ്റില് വിജയ സാധ്യതയുണ്ടെന്ന് സി.പി.ഐ വിലയിരുത്തല്. സി.പി.ഐ രണ്ടു സീറ്റുകളില് വ...
തിരുവനന്തപുരം: ലോക്സഭ തിരഞ്ഞെടുപ്പില് എല്.ഡി.എഫിന് 12 സീറ്റില് വിജയ സാധ്യതയുണ്ടെന്ന് സി.പി.ഐ വിലയിരുത്തല്. സി.പി.ഐ രണ്ടു സീറ്റുകളില് വിജയിക്കുമെന്നും, തൃശൂരും മാവേലിക്കരയുമാണ് ജയം ഉറപ്പിക്കാവുന്ന സീറ്റുകളെന്നും പാര്ട്ടി സംസ്ഥാന എക്സിക്യൂട്ടീവ് വിലയിരുത്തി. തിരുവനന്തപുരത്ത് നേരിയ ഭൂരിപക്ഷത്തില് വിജയിക്കാമെന്ന പ്രതീക്ഷയും പാര്ട്ടി നേതൃത്വം പങ്കുവച്ചു.
ആറ്റിങ്ങല്, പത്തനംതിട്ട, ഇടുക്കി, ചാലക്കുടി, ആലത്തൂര്, പാലക്കാട്, കണ്ണൂര്, വടകര, കാസര്കോട്, കോഴിക്കോട് സീറ്റുകളിലും ഇടതു മുന്നണിക്ക് വിജയിക്കാനാകുമെന്നാണ് സി പി ഐ വിലയിരുത്തല്. കഴിഞ്ഞ തിരഞ്ഞെടുപ്പിലെ പോലെ കോണ്ഗ്രസ് അനുകൂല തരംഗം ഉണ്ടാകില്ലെന്ന് യോഗത്തില് നേതാക്കള് അഭിപ്രായപ്പെട്ടു. കോണ്ഗ്രസ് അധികാരത്തില് തിരിച്ചുവരുമെന്ന ചിന്ത ജനങ്ങളിലുണ്ടായിരുന്നതും രാഹുല് ഗാന്ധി മത്സരിക്കാനെത്തിയതും കഴിഞ്ഞ തവണ അവര്ക്ക് അനുകൂല ഘടമായി. ഇത്തവണ രാഹുല് അനുകൂല തരംഗം ഇല്ലെന്നും വിലയിരുത്തലുണ്ട്.
COMMENTS