Heavy rain alert in Kerala
തിരുവനന്തപുരം: സംസ്ഥാനത്ത് അടുത്ത അഞ്ചു ദിവസം ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇതേതുടര്ന്ന് വിവിധ ജില്ലകളില് ഓറഞ്ച്, യെല്ലോ അലേര്ട്ട് പ്രഖ്യാപിച്ചു.
മലപ്പുറത്തും വയനാടും ഇന്ന് ഓറഞ്ച് അലര്ട്ടും തിരുവനന്തപുരം, കൊല്ലം, പത്തനംതിട്ട, ഇടുക്കി, പാലക്കാട്, കോഴിക്കോട്, കണ്ണൂര്, കാസര്കോട് എന്നീ എട്ട് ജില്ലകളില് യെല്ലോ അലര്ട്ടുമാണുള്ളത്.
ഉച്ചയ്ക്ക് ശേഷം കിഴക്കന് മേഖലകളില് മഴ കനക്കും. ഇടിയോടും കാറ്റോടും കൂടിയ മഴയ്ക്കാണ് സാധ്യതയെന്നും മലയോരമേഖലകളില് അതീവജാഗ്രത വേണമെന്നും കാലാവസ്ഥാ വകുപ്പ് അറിയിച്ചു.
അതേസമയം, മുന്നറിയിപ്പിന്റെ പശ്ചാത്തലത്തില് കേരളാ തീരത്തും ലക്ഷദ്വീപ് തീരത്തും കര്ണാടക തീരത്തും മത്സ്യബന്ധനം വിലക്കി. ഇനിയൊരു അറിയിപ്പുണ്ടാകുന്നത് വരെ മത്സ്യത്തൊഴിലാളികള് കടലില് പോകരുതെന്നും നിര്ദ്ദേശമുണ്ട്.
Keywords: Heavy rain, Kerala, Orange, Yellow alert
COMMENTS