കൊച്ചി: പെരിയാറില് മത്സ്യങ്ങള് കൂട്ടത്തോടെ ചത്തൊടുങ്ങിയ സംഭവത്തില് പ്രതിഷേധവുമായി കര്ഷകരും നാട്ടുകാരും. ഉദ്യോഗസ്ഥരുടെ അനാസ്ഥയ്ക്കെതിര...
കൊച്ചി: പെരിയാറില് മത്സ്യങ്ങള് കൂട്ടത്തോടെ ചത്തൊടുങ്ങിയ സംഭവത്തില് പ്രതിഷേധവുമായി കര്ഷകരും നാട്ടുകാരും. ഉദ്യോഗസ്ഥരുടെ അനാസ്ഥയ്ക്കെതിരെ ചത്ത മീനുകളുമായി ഏലൂരിലെ മലിനീകരണ നിയന്ത്രണ ബോര്ഡ് ഓഫീസിനു മുന്നില് പ്രതിഷേധിച്ചു.
പ്രതിഷേധക്കാര് ചീഫ് എഞ്ചിനീയറെ തടഞ്ഞു. ചീഞ്ഞ മീനുകള് ഓഫീസ് പരിസരത്തേക്ക് പ്രതിഷേധക്കാര് വലിച്ചെറിയുകയും ചെയ്തു. പ്രതിഷേധക്കാരെ പൊലീസ് തടഞ്ഞതിനെത്തുടര്ന്ന് സംഘര്ഷമുണ്ടായി. പൊലീസുകാരും പ്രതിഷേധക്കാരും തമ്മില് ഉന്തും തള്ളുമുണ്ടായി.
ചീഞ്ഞ മീനുകള് ഓഫീസ് വളപ്പിലേക്ക് എറിയുന്നത് തടയാന് പൊലീസ് ശ്രമിച്ചെങ്കിലും വിജയിച്ചില്ല. മത്സ്യം കൂട്ടത്തോടെ ചത്തതില് കോടികളുടെ നഷ്ടം ഉണ്ടായതായിട്ടാണ് കര്ഷകര് പറയുന്നത്.
സംഭവത്തില് അടിയന്തര അന്വേഷണം നടത്താന് ജില്ലാ കലക്ടര്ക്ക് നിര്ദേശം നല്കിയിട്ടുണ്ടെന്ന് മന്ത്രി പി രാജീവ് വ്യക്തമാക്കി. രാസമാലിന്യം കലര്ന്നിട്ടുണ്ടോ എന്നതടക്കം പരിശോധിക്കും. എത്രയും വേഗം റിപ്പോര്ട്ട് നല്കാന് കലക്ടര്ക്ക് നിര്ദേശം നല്കിയിട്ടുണ്ട്. കാരണം എന്താണെന്ന് പരിശോധിക്കും. ഇത് ആവര്ത്തിക്കാതിരിക്കാന് ആവശ്യമായ സമീപനം സ്വീകരിക്കുമെന്നും മന്ത്രി പറഞ്ഞു.
COMMENTS