തിരുവനന്തപുരം: സംസ്ഥാനത്ത് സ്വതന്ത്രവും നീതിയുക്തവുമായ തിരഞ്ഞെടുപ്പ് നടന്നില്ലെന്ന് പ്രതിപക്ഷ നേതാവ് വി.ഡി സതീശന് ആരോപിച്ചു. കനത്ത ചൂടില് ...
തിരുവനന്തപുരം: സംസ്ഥാനത്ത് സ്വതന്ത്രവും നീതിയുക്തവുമായ തിരഞ്ഞെടുപ്പ് നടന്നില്ലെന്ന് പ്രതിപക്ഷ നേതാവ് വി.ഡി സതീശന് ആരോപിച്ചു. കനത്ത ചൂടില് പല ബൂത്തുകളിലും വോട്ടര്മാര് മണിക്കൂറുകള് കാത്ത് നിന്ന ശേഷം മടങ്ങി. മടങ്ങിപ്പോയി തിരികെ വന്നവരില് പലര്ക്കും വോട്ട് ചെയ്യാന് അവസരം ലഭിച്ചില്ല എന്നും അദ്ദേഹം വാര്ത്താകുറിപ്പില് പറഞ്ഞു.
ആറ് മണിക്ക് മുന്പ് പോളിംഗ് സ്റ്റേഷനില് എത്തിയിട്ടും വോട്ട് ചെയ്യാനാകാത്ത സാഹചര്യവും പലയിടങ്ങളിലും ഉണ്ടായി. മിക്കയിടത്തും മന്ദഗതിയിലാണ് വോട്ടിംഗ് നടന്നതെന്നും സതീശന് കുറ്റപ്പെടുത്തി.
നാലര മണിക്കൂര് വരെ ചില വോട്ടര്മാര്ക്ക് കാത്ത് നില്ക്കേണ്ടി വന്നതായി റിപ്പോര്ട്ടുണ്ടെന്നും ഉദ്യോഗസ്ഥതലത്തില് ഗുരുതരമായ അനാസ്ഥയുണ്ടായെന്ന് സംശയിക്കാവുന്ന തരത്തിലാണ് വോട്ടിംഗ് നടന്നതെന്നും സതീശന് കൂട്ടിച്ചേര്ത്തു. വോട്ടിംഗ് യന്ത്രങ്ങള്ക്ക് തകരാര് കണ്ടെത്തിയ ബൂത്തുകളില് പോളിംഗ് സമയം ദീര്ഘിപ്പിച്ച് നല്കിയില്ലെന്നും സതീശന് ചൂണ്ടിക്കാട്ടി.
COMMENTS