തിരുവനന്തപുരം: ലോക്സഭാ തെരെഞ്ഞടുപ്പില് ഇക്കുറി ഇന്ത്യാ സഖ്യം ദേശീയതലത്തില് സര്ക്കാര് രൂപീകരിക്കുമെന്നതില് സംശയം വേണ്ടെന്നും രാജ്യത്തൊ...
തിരുവനന്തപുരം: ലോക്സഭാ തെരെഞ്ഞടുപ്പില് ഇക്കുറി ഇന്ത്യാ സഖ്യം ദേശീയതലത്തില് സര്ക്കാര് രൂപീകരിക്കുമെന്നതില് സംശയം വേണ്ടെന്നും രാജ്യത്തൊരിടത്തും ബി.ജെ.പി തരംഗമോ മോദി തരംഗമോ നിലനില്ക്കുന്നില്ലെന്നും കര്ണാടക ഉപമുഖ്യമന്ത്രി ഡി കെ ശിവകുമാര്. തിരുവനന്തപുരത്ത് ശശി തരൂരിന്റെ തെരഞ്ഞെടുപ്പ് പ്രചരണാര്ത്ഥമുള്ള റോഡ് ഷോയില് പങ്കെടുത്തശേഷം ഇന്ദിരാഭവനില് മാധ്യമങ്ങളോട് സംസാരിക്കുകയായിരുന്നു അദ്ദേഹം.
വലിയ മുന്നേറ്റമുണ്ടാക്കുമെന്ന് ബി ജെ പിയും മോദിയും ആവര്ത്തിക്കുന്നുണ്ടെങ്കിലും തിരിച്ചടിയുണ്ടാകുമോയെന്ന് അവര്ക്ക് വലിയ രീതിയില് ആശങ്കയുണ്ടെന്നും അദ്ദേഹം വ്യക്തമാക്കി. നരേന്ദ്രമോദിക്കും ബി.ജെ.പി നേതാക്കള്ക്കും ഉറക്കമില്ലാത്ത രാത്രികളാകും ഈ തെരഞ്ഞെടുപ്പ് സമ്മാനിക്കുകയെന്നും ഡി കെ ശിവകുമാര് പറഞ്ഞു.
കോണ്ഗ്രസിന്റെ മതേതര - ജനാധിപത്യ നിലപാടുകളിലും വിശ്വസിക്കുന്നവരാണ് മലയാളികളെന്നും അതുകൊണ്ടു തന്നെ ഇത്തവണയും അതിഗംഭീര വിജയം യു ഡി എഫിന് കേരളം നല്കുമെന്നും രാഹുല് ഗാന്ധിക്ക് വയനാട്ടില് മത്സരിക്കാന് അവസരം നല്കിയതിന് കേരളത്തിലെ ജനങ്ങളോട് നന്ദിയുണ്ടെന്നും അദ്ദേഹം പറഞ്ഞു.
ശശി തരൂരിനെ വലിയ ഭൂരിപക്ഷത്തില് തിരുവനന്തപുരത്തുകാര് വിജയിപ്പിക്കുമെന്നും ബി ജെ പി സ്ഥാനാര്ത്ഥിയായി മല്സരിക്കുന്ന കേന്ദ്രമന്ത്രി രാജീവ് ചന്ദ്രശേഖര് കേരളത്തിനോ കര്ണാടകത്തിനോ വേണ്ടി എന്ത് സംഭാവനയാണ് നല്കിയതെന്നും ഡി കെ ശിവകുമാര് ചോദിച്ചു.
COMMENTS