തിരുവനന്തപുരം: പറയുമ്പോള് തിരിച്ചുകിട്ടും എന്ന് രാഹുലും ആലോചിക്കണമെന്ന് രാഹുല് ഗാന്ധിക്കെതിരായ പി.വി അന്വര് എം.എല്.എയുടെ വിവാദ പരാമര്ശ...
തിരുവനന്തപുരം: പറയുമ്പോള് തിരിച്ചുകിട്ടും എന്ന് രാഹുലും ആലോചിക്കണമെന്ന് രാഹുല് ഗാന്ധിക്കെതിരായ പി.വി അന്വര് എം.എല്.എയുടെ വിവാദ പരാമര്ശം തള്ളാതെ മുഖ്യമന്ത്രി പിണറായി വിജയന്.
ഗൗരവമേറിയ രാഷ്ട്രീയ പ്രവര്ത്തകന് എന്ന നില രാഹുല് ഗാന്ധിക്കുണ്ടായിട്ടില്ല. കേരളത്തില് വന്ന് ബി.ജെ.പിയെ സഹായിക്കുന്ന നിലപാട് എടുത്തു. ഒരു മാറ്റവും രാഹുലിന് വന്നിട്ടില്ല എന്നാണ് മനസ്സിലാകുന്നത്. പറയുമ്പോള് തിരിച്ചുകിട്ടും എന്ന് രാഹുലും ആലോചിക്കണമെന്നും മുഖ്യമന്ത്രി പറഞ്ഞു.
മോദിയുടെ വിദ്വേഷ പ്രസംഗത്തില് തെരഞ്ഞെടുപ്പ് കമ്മീഷന്റെ നിഷ്പക്ഷത വ്യക്തമാക്കുന്ന സമീപനം ഇതുവരെ ഉണ്ടായിട്ടില്ലെന്നും ഉടനെ ഇടപെടേണ്ട കേസാണ്. പക്ഷേ ഇടപെടുന്നില്ലെന്നുംമുഖ്യമന്ത്രി ചൂണ്ടിക്കാട്ടി.
പാലക്കാട് എടത്തനാട്ടുകരയില് നടന്ന എല്ഡിഎഫ് പ്രചാരണയോഗത്തിലാണ് അന്വര് അപഹാസ പ്രസംഗം നടത്തിയത്.
അന്വറിന്റെ പ്രസംഗത്തിലെ ഭാഗം ഇങ്ങനെ.'ഗാന്ധിയെന്ന പേര് പോലും കൂട്ടിച്ചേര്ത്ത് പറയാന് അര്ഹതയില്ലാത്ത നാലാംകിട പൗരനായി രാഹുല്ഗാന്ധി മാറി. ഞാനല്ല പറഞ്ഞത്, ഇന്ത്യയിലെ ഭക്ഷണം കഴിക്കുന്ന സകല മനുഷ്യരും കഴിഞ്ഞ രണ്ടു ദിവസമായി പറഞ്ഞുകൊണ്ടിരിക്കുകയാണ്. എന്താ സ്ഥിതി, നെഹ്റു കുടുംബത്തില് ഇങ്ങനെയൊരു മനുഷ്യന് ഉണ്ടാകുമോ? നെഹ്റു കുടുംബത്തിന്റെ ജനിറ്റിക്സില് ജനിച്ച ഒരാള്ക്ക് അങ്ങനെ പറയാന് കഴിയുമോ? എനിക്ക് അക്കാര്യത്തില് നല്ല സംശയമുണ്ട്. രാഹുല് ഗാന്ധിയുടെ ഡി.എന്.എ പരിശോധിക്കണമെന്ന അഭിപ്രായക്കാരനാണ് ഞാന്. അക്കാര്യത്തില് യാതൊരു തര്ക്കവുമില്ല. ആ ജവഹര്ലാല് നെഹ്റുവിന്റെ പേരക്കുട്ടിയായി വളരാനുള്ള ഒരു അര്ഹതയും രാഹുലിനില്ല. രാഹുല് ഗാന്ധി മോഡിയുടെ ഏജന്റാണോ എന്ന് ആലോചിക്കേണ്ട സ്ഥിതിയില് കാര്യങ്ങള് എത്തിയിരിക്കുകയാണ് - എന്നാണ് അന്വര് പ്രസംഗത്തില് പറഞ്ഞത്
COMMENTS