ശ്രീനഗര്: ജമ്മു കശ്മീരിലെ ശ്രീനഗറില് നാല് ജെയ്ഷെ ഭീകരര് പിടിയില്. സുരക്ഷാ സേനയും ജമ്മു കശ്മീര് പൊലീസും സംയുക്തമായാണ് ഓപ്പറേഷന് നടത്തി...
ശ്രീനഗര്: ജമ്മു കശ്മീരിലെ ശ്രീനഗറില് നാല് ജെയ്ഷെ ഭീകരര് പിടിയില്. സുരക്ഷാ സേനയും ജമ്മു കശ്മീര് പൊലീസും സംയുക്തമായാണ് ഓപ്പറേഷന് നടത്തിയത്. ഇവരില് നിന്ന് ആയുധങ്ങളും പിടിച്ചെടുത്തിട്ടുണ്ട്.
വാഹന പരിശോധനയ്ക്കിടെ ഒരു വെള്ള കാര് സംയുക്ത സംഘം തടഞ്ഞുനിര്ത്തി പരിശോധിക്കുകയും വാഹനത്തിലുണ്ടായിരുന്നവര് ഭീകരരാണെന്ന് തിരിച്ചറിയുകയുമായിരുന്നു. ലച്നാമ്പല് സഫ്രാന് കോളനി പന്തചൗക്കി സ്വദേശികളായ എംഡി യാസീന് ഭട്ട്, ഷെറാസ് അഹമ്മദ് റാത്തര്, ഗുലാം ഹസ്സന് ഖണ്ഡേ, ഫ്രെസ്റ്റബല് പാംപോറി സ്വദേശി ഇംതിയാസ് അഹമ്മദ് ഭട്ട് എന്നിവരാണ് അറസ്റ്റിലായത്.
ഭീകരരുടെ സാന്നിധ്യത്തെക്കുറിച്ച് സുരക്ഷാ സേനയ്ക്ക് രഹസ്യവിവരം ലഭിച്ചിരുന്നു. ഇതേതുടര്ന്ന് ശനിയാഴ്ച വൈകുന്നേരം ശ്രീനഗര് പൊലീസും സിആര്പിഎഫ് 29 ബറ്റാലിയനും ഉള്പ്പെടുന്ന സംയുക്ത സംഘം കെനിഹാമ പ്രദേശത്ത് ചെക്ക് പോസ്റ്റ് സ്ഥാപിക്കുകയും വാഹന പരിശോധന നടത്തുകയുമായിരുന്നു. ഇതിനിടെയാണ് ഇവര് പിടിയിലായത്.
COMMENTS