വയനാട് : പൂക്കോട് വെറ്ററിനറി സര്വകലാശാലയിലെ വിദ്യാര്ത്ഥിയായ സിദ്ധാര്ത്ഥന്റെ മരണത്തില് 12 വിദ്യാര്ത്ഥികളെ ഒരുവര്ഷത്തേക്ക് ഇന്റേണല് പരീ...
വയനാട് : പൂക്കോട് വെറ്ററിനറി സര്വകലാശാലയിലെ വിദ്യാര്ത്ഥിയായ സിദ്ധാര്ത്ഥന്റെ മരണത്തില് 12 വിദ്യാര്ത്ഥികളെ ഒരുവര്ഷത്തേക്ക് ഇന്റേണല് പരീക്ഷ എഴുതുന്നതില് നിന്ന് വിലക്കി. 19 പേര്ക്ക് 3 വര്ഷത്തേക്ക് പഠനവിലക്ക് ഏര്പ്പെടുത്തിയതിന് പിന്നാലെയാണ് മറ്റുള്ളവര്ക്ക് എതിരെയും നടപടിയെടുത്തത്. ഇതോടെ ഇവര്ക്ക് ഇന്ത്യയിലെ ഒരു വിദ്യാഭ്യാസ സ്ഥാപനത്തിലും പ്രവേശനം നേടാനാകില്ല.
മര്ദനമേറ്റതായി കണ്ടിട്ടും ആശുപത്രിയില് എത്തിക്കാത്തതിലാണ് നടപടി. ഈ 12 വിദ്യാര്ത്ഥികളേയും ഹോസ്റ്റലില് നിന്ന് പുറത്താക്കുകയും ചെയ്തിട്ടുണ്ട്. മാത്രമല്ല, അക്രമം നോക്കി നിന്ന ഹോസ്റ്റലിലെ 7 വിദ്യാര്ത്ഥികളെയും ഏഴ് ദിവസം കോളേജില് നിന്ന് സസ്പെന്റ് ചെയ്തു.
ഈ ദിവസങ്ങളില് ഹോസ്റ്റലിലും പ്രവേശിനം വിലക്കിയിട്ടുണ്ട്. ഫെബ്രുവരി 16,17,18 തീയതികളില് ഹോസ്റ്റലില് ഉണ്ടായിരുന്നവര്ക്കാണ് ശിക്ഷ. റാഗിങ് വിരുദ്ധ സമിതിയുടേതാണ് നടപടി.
ഇക്കഴിഞ്ഞ 18നാണ് സിദ്ധാര്ത്ഥിനെ ഹോസ്റ്റലിലെ ശുചിമുറിയില് ആത്മഹത്യ ചെയ്ത നിലയില് കണ്ടെത്തി.
Key words: Death of Siddhartha, Examination ban, Students
COMMENTS