നടന്‍ അമിതാഭ് ബച്ചനെ ആശുപത്രിയില്‍ പ്രവേശിപ്പിച്ചു

Actor Amitabh Bachchan admitted to hospital

മുംബൈ: നടന്‍ അമിതാഭ് ബച്ചനെ ആശുപത്രിയില്‍ പ്രവേശിപ്പിച്ചു. മുംബൈ കോകില ബെന്‍ ആശുപത്രിയിലാണ് നടനെ പ്രവേശിപ്പിച്ചിരിക്കുന്നത്. അതേസമയം നടന്റെ അസുഖത്തെക്കുറിച്ച് സ്ഥിരീകരണമൊന്നും വന്നിട്ടില്ല.

പതിവ് ചെക്കപ്പുകള്‍ക്കായാണ് പ്രവേശിപ്പിച്ചതെന്നും റിപ്പോര്‍ട്ടുകളുണ്ട്. അതേസമയം താരം ആന്‍ജിയോപ്ലാസ്റ്റിക്ക് വിധേയനായെന്നാണ് വിവരം.

കഴിഞ്ഞ ദിവസം തന്റെ പുതിയ ചിത്രം കല്‍ക്കിക്കുറിച്ചുള്ള വിശേഷങ്ങള്‍ ബച്ചന്‍ ആരാധകര്‍ക്കായി പങ്കുവച്ചിരുന്നു. ചിത്രത്തിനുവേണ്ടി രാത്രി വൈകുംവരെ ജോലി ചെയ്തുവെന്ന് അദ്ദേഹം പറഞ്ഞിരുന്നു. 

മെയ് 9 ന് ചിത്രം റിലീസ് ചെയ്യുമെന്നും അവസാനഘട്ട അണിയറ പ്രവര്‍ത്തനങ്ങള്‍ പുരോഗമിക്കുകയാണെന്നും അദ്ദേഹം പറഞ്ഞിരുന്നു. കമല്‍ഹാസന്‍, പ്രഭാസ്, ദീപിക പദുകോണ്‍, ദിഷാ പഠാണി, അന്ന ബെന്‍ തുടങ്ങിയവരാണ് ചിത്രത്തിലെ മറ്റ് പ്രധാന അഭിനേതാക്കള്‍.

Keywords: Amitabh Bachchan, Hospital, Mumbai, Movie