ന്യൂഡല്ഹി: ഡല്ഹിയില് കുഴല് കിണറില് വീണയാള് മരിച്ചു. 14 മണിക്കൂര് നീണ്ട രക്ഷാദൗത്യത്തിനൊടുവില് യുവാവിനെ പുറത്തെടുത്തെങ്കിലും രക്ഷപെട...
ന്യൂഡല്ഹി: ഡല്ഹിയില് കുഴല് കിണറില് വീണയാള് മരിച്ചു. 14 മണിക്കൂര് നീണ്ട രക്ഷാദൗത്യത്തിനൊടുവില് യുവാവിനെ പുറത്തെടുത്തെങ്കിലും രക്ഷപെടുത്താനായില്ല. 40 അടി താഴ്ചയിലേക്കാണ് വീണ 30 വയസ് പ്രായമുള്ള യുവാവ് ആണ് മരിച്ചത്. കുഴല് കിണറില് വീണയാളെ മരിച്ച നിലയിലാണ് പുറത്തെടുത്തതെന്ന് മന്ത്രി അതിഷി മര്ലെന പറഞ്ഞു.
യുവാവ് എങ്ങനെയാണ് കുഴല് കിണറില് വീണതെന്ന് അന്വേഷിക്കുമെന്നും ദൂരൂഹത സംബന്ധിച്ച് പോലീസ് അന്വേഷണം നടക്കുമെന്നും മന്ത്രി വ്യക്തമാക്കി. സംഭവത്തില് കുറ്റക്കാര്ക്കെതിരെ കര്ശന നടപടിയുണ്ടാകുമെന്നും സംസ്ഥാനത്ത് തുറന്നു കിടക്കുന്ന കുഴല് കിണറുകള് 48 മണിക്കൂറിനുള്ളില് സീല് ചെയ്യാന് അടിയന്തിര നിര്ദേശം നല്കിയെന്നും മന്ത്രി വ്യക്തമാക്കി.
കേശോപുര് മാണ്ഡിക്ക് സമീപമുള്ള ദില്ലി ജല് ബോര്ഡിന്റെ സ്ഥലത്തെ കുഴല് കിണറിലാണ് യുവാവ് വീണത്. ഇന്ന് പുലര്ച്ചെ ഒരു മണിയോടെയാണ് അപകടം നടന്നത്.
Key words: Borewell, Accident, Delhi, Youth Died
COMMENTS