തിരുവനന്തപുരം: ക്രൈസ്തവ സമൂഹത്തെ സംബന്ധിച്ച് അതീവ പ്രാധാന്യമുള്ള പീഡാനുഭവവാരം മാര്ച്ച് 24 മുതല് 31 വരെ ആചരിക്കുകയാണ്. ഓശാന ഞായര് (24/03/...
തിരുവനന്തപുരം: ക്രൈസ്തവ സമൂഹത്തെ സംബന്ധിച്ച് അതീവ പ്രാധാന്യമുള്ള പീഡാനുഭവവാരം മാര്ച്ച് 24 മുതല് 31 വരെ ആചരിക്കുകയാണ്. ഓശാന ഞായര് (24/03/2024), പെസഹാ വ്യാഴം (28/03/2024), ദുഃഖവെള്ളി (29/03/2024), ഈസ്റ്റര് (31/03/2024) ദിവസങ്ങളാണ് ഏറ്റവും പ്രധാനമായി ആചരിക്കുന്നത്. ആ ദിവസങ്ങളില് ക്രൈസ്തവര് പള്ളികളിലും മറ്റു തീര്ത്ഥാടനകേന്ദ്രങ്ങളിലും പ്രത്യേക ആരാധനാകര്മ്മങ്ങളില് പങ്കെടുക്കുകയും കുടുംബാംഗങ്ങളോടൊപ്പം ആയിരിക്കുകയും ചെയ്യുന്ന അവസരങ്ങളാണ്.
ഈ വര്ഷത്തെ പൊതു അവധികളുടെ പട്ടികയില് ഇവ ഉള്പെടുത്തിയിട്ടുണ്ടെങ്കിലും സാമ്പത്തികവര്ഷം അവസാനിക്കുന്നത് പ്രമാണിച്ച് പ്രസ്തുത അവധികള് നിഷേധിക്കുന്ന നടപടികള് ഉണ്ടായേക്കുമെന്ന ആശങ്ക ക്രൈസ്തവ സമൂഹത്തില് ഉയരുന്നുണ്ട്.മുന് വര്ഷങ്ങളിലെ ദുരനുഭവങ്ങള് ഈ ആശങ്ക ബലപ്പെടുത്തുന്നു.
ഈ സാഹചര്യത്തിലാണ് സാമ്പത്തികവര്ഷ സമാപനം പ്രമാണിച്ച് വിവിധ സര്ക്കാര് വകുപ്പുകളിലും, ട്രഷറി, ബാങ്കിംഗ്, ധനകാര്യ സ്ഥാപനങ്ങളിലും പൊതു അവധികള് ഇല്ലാതാക്കുന്ന സാഹചര്യം ഉണ്ടാകരുത് എന്നുംതീര്ത്തും ഒഴിവാക്കാന് വയ്യാത്ത സാഹചര്യങ്ങള് ഉണ്ടായാല് ക്രിസ്ത്യന് മതവിശ്വാസികളായ ഉദ്യോഗസ്ഥര്ക്ക് പൂര്ണമായ ഒഴിവ് നല്കിക്കൊണ്ട് മാത്രമേ അത്തരം ഉത്തരവുകള്/സര്ക്കുലറുകള് പുറപ്പെടുവിക്കാവൂഎന്നും ആവശ്യപ്പെട്ട് സീറോമലബാര് പബ്ലിക് അഫയേഴ്സ് കമ്മീഷന് ചെയര്മാന് ആര്ച്ചുബിഷപ് മാര് ആന്ഡ്രൂസ് താഴത്ത് സംസ്ഥാന ചീഫ് സെക്രട്ടറിക്ക് കത്തു നല്കിയിരിക്കുന്നത്.
Key words: Syro-Malabar Sabha, Chief Secretary
COMMENTS