കാസര്കോട്: കേന്ദ്ര- സംസ്ഥാന സര്ക്കാരുകളെ കുറ്റവിചാരണ ചെയ്യുന്ന കെ.പി.സി.സിയുടെ 'സമരാഗ്നി' ജനകീയ പ്രക്ഷോഭയാത്രയ്ക്ക് ഇന്ന് തുടക്കം...
കാസര്കോട്: കേന്ദ്ര- സംസ്ഥാന സര്ക്കാരുകളെ കുറ്റവിചാരണ ചെയ്യുന്ന കെ.പി.സി.സിയുടെ 'സമരാഗ്നി' ജനകീയ പ്രക്ഷോഭയാത്രയ്ക്ക് ഇന്ന് തുടക്കം. വൈകുന്നേരം 4ന് കാസര്ഗോഡ് മുനിസിപ്പല് മൈതാനത്ത് നിന്ന് ആരംഭിക്കുന്ന സമരാഗ്നിയുടെ ഉദ്ഘാടനം എ ഐ സി സി ജനറല് സെക്രട്ടറി കെ സി വേണുഗോപാല് എം പി നിര്വ്വഹിക്കും.
കെ.പി.സി.സി പ്രസിഡന്റ് കെ. സുധാകരന് എം.പിയും പ്രതിപക്ഷ നേതാവ് വി.ഡി സതീശനും സംയുക്തമായാണ് ജാഥ നയിക്കുന്നത്. ഇന്ന് പതിനാല് ജില്ലകളിലും പര്യടനം നടത്തുന്ന സമരാഗ്നിയില് മുപ്പത്തിലധികം മഹാസമ്മേളനങ്ങളാണ് സംഘടിപ്പിക്കുന്നത്. കോഴിക്കോട് കടപ്പുറത്തും കൊച്ചി മറൈന് ഡ്രൈവിലും തൃശൂര് തേക്കിന്കാട് മൈതാനത്തും തിരുവനന്തപുരത്ത് പുത്തരിക്കണ്ടം മൈതാനത്തും ഉള്പ്പെടെ പ്രധാനപ്പെട്ട സ്ഥലങ്ങളിലെല്ലാം സമ്മേളനങ്ങള് സംഘടിപ്പിക്കും. മഹാസമ്മേളനങ്ങളില് പതിനഞ്ച് ലക്ഷത്തോളം പ്രവര്ത്തകരെ അണിനിരത്തും.
തിരുവനന്തപുരം, എറണാകുളം, പാലക്കാട്, മലപ്പുറം, ഇടുക്കി ജില്ലകളില് മൂന്ന് വീതവും കണ്ണൂര്, കോഴിക്കോട്, തൃശൂര്, കോട്ടയം, ആലപ്പുഴ, കൊല്ലം എന്നിവിടങ്ങളില് രണ്ടു വീതവും കാസര്ഗോഡ്, വയനാട്, പത്തനംതിട്ട ജില്ലകളില് ഒന്നു വീതവും പൊതുസമ്മേളനങ്ങളാണ് ക്രമീകരിച്ചിരിക്കുന്നത്. 29 ന് തിരുവനന്തപുരത്ത് ജാഥ സമാപിക്കും.
COMMENTS