കൊച്ചി: തൃപ്പൂണിത്തുറയിലെ പടക്ക സംഭരണശാലയിലുണ്ടായ വന് സ്ഫോടനത്തില് ഒരാള് മരിച്ചു. അതീവ ഗുരുതരാവസ്ഥയിലായിരുന്ന വിഷ്ണു എന്നയാളാണ് മരിച്ചത്...
കൊച്ചി: തൃപ്പൂണിത്തുറയിലെ പടക്ക സംഭരണശാലയിലുണ്ടായ വന് സ്ഫോടനത്തില് ഒരാള് മരിച്ചു. അതീവ ഗുരുതരാവസ്ഥയിലായിരുന്ന വിഷ്ണു എന്നയാളാണ് മരിച്ചത്. സ്ത്രീകളും കുട്ടികളുമടക്കം 16 പേര്ക്ക് പരിക്കേറ്റിട്ടുണ്ട്. ഇവരെ തൃപ്പൂണിത്തറ ജനറല് ആശുപത്രിയില് പ്രവേശിപ്പിച്ചു. ഇവരില് നാല് പേരെ മെഡിക്കല് കോളേജിലേക്ക് മാറ്റിയിട്ടുണ്ട്.
തൃപ്പൂണിത്തുറയില് പടക്ക സംഭരണശാലയിലേക്ക് എത്തിച്ച വന് പടക്കശേഖരം പൊട്ടിത്തെറിച്ചാണ് നാടിനെയാകെ നടുക്കിയ ദുരന്തമുണ്ടായത്. പാലക്കാട്ട് നിന്നും ഉത്സവത്തിനെത്തിച്ച പടക്കങ്ങളാണ് വാഹനത്തില് നിന്നിറക്കുമ്പോള് പൊട്ടിത്തെറിച്ചതെന്നാണ് പ്രാഥമിക വിവരം. പുതിയകാവ് ക്ഷേത്രോത്സവത്തിനായി കൊണ്ടുവന്ന പടക്കങ്ങളാണ് പൊട്ടിത്തെറിച്ചത്.
സമീപത്തെ 45 ഓളം വീടുകള്ക്കും കേടുപാടുകളുണ്ടായി. ഒരു കിലോമീറ്റര് അകലെവരെ പൊട്ടിത്തറിയുടെ പ്രകമ്പനമുണ്ടായി. അരകിലോമീറ്റര് അകലെ വരെ സ്ഫോടകാവശിഷ്ടങ്ങളെത്തി.
ഒരു കിലോമീറ്റര് അകലെ നിന്നും വരെ സ്ഫോടന ശബ്ദം കേട്ടതായി പ്രദേശവാസികള് പറഞ്ഞു. അനുമതിയില്ലാതെ ആണ് സ്ഫോടകവസ്തുക്കള് സൂക്ഷിച്ചതെന്ന് ജില്ലാ ഫയര്ഫോഴ്സ് അറിയിച്ചു.
COMMENTS