തിരുവനന്തപുരം: ഭരണ വിരുദ്ധ വികാരം ആളി കത്തുന്ന രാഷ്ട്രീയ കാലാവസ്ഥയില് ജനഹിതം മാനിച്ചുള്ള പുതിയ കര്മ്മമാര്ഗ്ഗങ്ങള് സ്വീകരിച്ചാല് യൂത്ത് ...
തിരുവനന്തപുരം: ഭരണ വിരുദ്ധ വികാരം ആളി കത്തുന്ന രാഷ്ട്രീയ കാലാവസ്ഥയില് ജനഹിതം മാനിച്ചുള്ള പുതിയ കര്മ്മമാര്ഗ്ഗങ്ങള് സ്വീകരിച്ചാല് യൂത്ത് കോണ്ഗ്രസിനും കെ.എസ്.യുവിനും വീണ്ടും സമൂഹത്തിലെ തിരുത്തല് ശക്തിയാവാന് കഴിയുമെന്ന് ചെറിയാന് ഫിലിപ്പ്. ഫേസ്ബുക്ക് പോസ്റ്റിലൂടെയാണ് ചെറിയാന് ഫിലിപ്പ് നിലപാട് വ്യക്തമാക്കിയത്.
പോസ്റ്റിന്റെ പൂര്ണ രൂപം...
കേരളത്തില് കോണ്ഗ്രസ് രക്ഷപ്പെടണമെങ്കില് വിവിധ തലങ്ങളിലെ നേതൃത്വം ത്യാഗ പൂര്ണ്ണവും സാഹസികവുമായ പ്രവര്ത്തനങ്ങളിലൂടെ യുവാക്കള് പിടിച്ചെടുക്കണം. ഗ്രൂപ്പ് രാഷ്ട്രീയം സൃഷ്ടിച്ച ജീവനില്ലാത്ത സ്ഥിരം പ്രതിഷ്ഠകളെ തച്ചുടയ്ക്കുന്ന ബുള്ഡോസര് ആയി യൂത്ത് കോണ്ഗ്രസ് മാറണം.
ഭരണ വിരുദ്ധ വികാരം ആളി കത്തുന്ന രാഷ്ട്രീയ കാലാവസ്ഥയില് ജനഹിതം മാനിച്ചുള്ള പുതിയ കര്മ്മമാര്ഗ്ഗങ്ങള് സ്വീകരിച്ചാല് യൂത്ത് കോണ്ഗ്രസിനും കെ.എസ്.യുവിനും വീണ്ടും സമൂഹത്തിലെ തിരുത്തല് ശക്തിയാവാന് കഴിയും. ഈ ജനാധിപത്യ യുഗത്തിലും അധികാരം സര്വാധിപത്യം ആക്കുന്നവര്ക്കെതിരെ പോരാടേണ്ടത് യുവാക്കളുടെ കടമയാണ്.
കേരളത്തിലെ കോണ്ഗ്രസില് സംഘടനാ രംഗത്തും പാര്ലമെന്ററി രംഗത്തും ഒരു തലമുറ മാറ്റം അനിവാര്യമാണ്. കാല്റ്റാണ്ടിലേറെയായി യുവാക്കളെ അവഗണിച്ചതാണ് കോണ്ഗ്രസിന്റെ തകര്ച്ചയ്ക്ക് കാരണം. യൂത്ത് കോണ്ഗ്രസിനെയും കെ.എസ്.യുവിനെയും വന്ധ്യംകരിച്ചതിനാല് പുതുരക്തപ്രവാഹം നിലച്ചു. ഒരു യുവജന മുന്നേറ്റത്തിലൂടെ മാത്രമേ കോണ്ഗ്രസിന് തിരിച്ചു വരാനാവൂ.
കോണ്ഗ്രസിലെ അധികാര കുത്തകയെ വെല്ലുവിളിക്കാനുള്ള ആര്ജ്ജവമാണ് ഇന്നത്തെ യൂത്ത് കോണ്ഗ്രസ് നേതാക്കള് കാട്ടേണ്ടത്. സ്വന്തം സ്ഥാപിത താല്പര്യം മാത്രം സംരക്ഷിക്കുന്ന കോണ്ഗ്രസിലെ ഗ്രൂപ്പു നേതാക്കളുടെ അടിമകളായി യൂത്ത് കോണ്ഗ്രസ് വ്യക്തിത്വം ബലി കഴിക്കരുത്.
Key words: Cheriyan Philip, Congress
COMMENTS