തിരുവനന്തപുരം: യൂത്ത് കോണ്ഗ്രസ് സംസ്ഥാന അധ്യക്ഷന് രാഹുല് മാങ്കൂട്ടത്തിലിനെ കോടതി റിമാന്ഡ് ചെയ്തതിനെത്തുടര്ന്ന് സംസ്ഥാന വ്യാപകമായി പ്രതി...
തിരുവനന്തപുരം: യൂത്ത് കോണ്ഗ്രസ് സംസ്ഥാന അധ്യക്ഷന് രാഹുല് മാങ്കൂട്ടത്തിലിനെ കോടതി റിമാന്ഡ് ചെയ്തതിനെത്തുടര്ന്ന് സംസ്ഥാന വ്യാപകമായി പ്രതിഷേധം ശക്തമാക്കാന് യൂത്ത്കോണ്ഗ്രസ് തീരുമാനം. ഇതിന്റെ ഭാഗമായി ഇന്ന് സെക്രട്ടേറിയറ്റിലേക്ക് പ്രതിഷേധ മാര്ച്ച് നടത്തും.
തിരുവനന്തപുരം ജില്ലാ കമ്മിറ്റിയുടെ നേതൃത്വത്തില് ഉച്ചയ്ക്ക് 12 മണിക്കാണ് മാര്ച്ച്. തിരുവനന്തപുരം ജുഡീഷ്യല് ഫസ്റ്റ്ക്ലാസ് മജിസ്ട്രേറ്റ് 2 കോടതി രാഹുലിന്റെ ഹര്ജി തള്ളുകയായിരുന്നു. ഇരുവിഭാഗത്തിന്റേയും വാദങ്ങള് കേട്ടതിന് ശേഷമാണ് കോടതി വിധി പറഞ്ഞത്. രാഹുലിന്റെ വൈദ്യ പരിശോധനയില് ആരോഗ്യ പ്രശ്നങ്ങളില്ലെന്ന് കണ്ടെത്തിയതിനു പിന്നാലെയാണ് കോടതി ജാമ്യം നിഷേധിച്ചത്.
രാഹുലിനെതിരെ ഗുരുതരമായ കുറ്റങ്ങളാണ് പൊലീസ് ചുമത്തിയിരിക്കുന്നത്. നിയമവിരുദ്ധമായി സംഘം ചേര്ന്നു. കലാപാഹ്വാനം നടത്തി. പൂജപ്പുര എസ്എച്ച്ഒയ്ക്ക് ഗുരുതരമായി പരിക്കേറ്റു. നിരവധി പൊലീസുകാര്ക്ക് അടക്കം പരിക്കേറ്റ ആക്രമണങ്ങള്ക്ക് രാഹുല് മാങ്കൂട്ടത്തില് നേതൃത്വം നല്കി. ആക്രമണത്തിന് നേതൃത്വം നല്കിയ പ്രതികളെ പൊലീസിന്റെ കസ്റ്റഡിയില് നിന്നും ബലമായി മോചിപ്പിച്ച് രക്ഷപെടുത്തി. സര്ക്കാര് ഖജനാവിന് 50,000 രൂപയുടെ നഷ്ടമുണ്ടാക്കി തുടങ്ങി ഗുരുതര കുറ്റങ്ങളാണ് രാഹുല് മാങ്കൂട്ടത്തിനെതിരെയുള്ള റിമാന്ഡ് റിപ്പോര്ട്ടിലുള്ളത്.
അതേസമയം ജയിലിലേക്ക് കൊണ്ടുപോകുന്നതിനിടെ വിജയന് കാണാന് പോകുന്നതേയുള്ളൂവെന്നാണ് രാഹുല് ചാനലുകാരോട് പറഞ്ഞത്. രാഹുലിനെ കോടതിയില് നിന്ന് വാഹനത്തിലേക്ക് കൊണ്ടുപോകുന്നതിനിടെ യൂത്ത് കോണ്ഗ്രസ് പ്രവര്ത്തകര് തടിച്ചുകൂടുകയും പ്രതിഷേധിക്കുകയും ചെയ്തിരുന്നു.
Key words: Rahul Mangoottathil, Arrest, Protest, March
COMMENTS