ന്യൂഡല്ഹി: പ്രതിപക്ഷ സഖ്യമായ ഇന്ത്യ സഖ്യത്തിന്റെ യോഗം ഡിസംബര് 17 ന് ചേരുമെന്ന് രാഷ്ട്രീയ ജനതാദള് (ആര്ജെഡി)(ഞഖഉ) നേതാവ് ലാലു യാദവ് പറഞ്ഞു...
ന്യൂഡല്ഹി: പ്രതിപക്ഷ സഖ്യമായ ഇന്ത്യ സഖ്യത്തിന്റെ യോഗം ഡിസംബര് 17 ന് ചേരുമെന്ന് രാഷ്ട്രീയ ജനതാദള് (ആര്ജെഡി)(ഞഖഉ) നേതാവ് ലാലു യാദവ് പറഞ്ഞു. ബിഹാര് മുഖ്യമന്ത്രി നിതീഷ് കുമാര്, പശ്ചിമ ബംഗാള് മുഖ്യമന്ത്രി മമതാ ബാനര്ജി, തമിഴ്നാട് മുഖ്യമന്ത്രി എംകെ സ്റ്റാലിന്, ജാര്ഖണ്ഡ് മുഖ്യമന്ത്രി ഹേമന്ത് സോറന്, സമാജ്വാദി പാര്ട്ടി അധ്യക്ഷന് അഖിലേഷ് യാദവ് എന്നിവരുള്പ്പെടെയുള്ള നേതാക്കള് പങ്കെടുക്കാത്തതിനെ തുടര്ന്ന് യോഗം മാറ്റിവയ്ക്കുകയായിരുന്നു. നിതീഷ് കുമാറിന് സുഖമില്ലെന്നാണ് വിവരം. മിഷോങ് ചുഴലിക്കാറ്റിനെ തുടര്ന്ന് ചെന്നൈ വിമാനത്താവളം അടച്ചതും സംസ്ഥാനത്തെ നിലവിലെ സാഹചര്യവും ചൂണ്ടിക്കാട്ടിയാണ് തമിഴ്നാട് മുഖ്യമന്ത്രി എംകെ സ്റ്റാലിന് യാത്ര ചെയ്യാനാകില്ലെന്ന് അറിയിച്ചത്. മറ്റ് പ്രതിബദ്ധതകളുണ്ടെന്ന് ചൂണ്ടിക്കാട്ടി മമതയും അഖിലേഷ് യാദവും പിന്മാറിയിരുന്നെന്നും കോണ്ഗ്രസ് വൃത്തങ്ങള് വ്യക്തമാക്കി.
മധ്യപ്രദേശിലും രാജസ്ഥാനിലും ഛത്തീസ്ഗഢിലും നടന്ന നിയമസഭാ തിരഞ്ഞെടുപ്പുകളില് കോണ്ഗ്രസ് പരാജയം ഏറ്റുവാങ്ങിയതിനു പിന്നാലെയാണ് പ്രതിപക്ഷ ബ്ലോക്കിന്റെ യോഗം. കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെയുടെ ഡല്ഹിലെ വസതിയിലാണ് യോഗം നിശ്ചയിച്ചിരുന്നത്.
Key words: INDIA, Meeting, Congress
COMMENTS