പനജി: 54ാമത് ഗോവ രാജ്യാന്തര ചലച്ചിത്രമേളയ്ക്ക് ഇന്ന് പനാജിയിലെ ശ്യാമപ്രസാദ് മുഖര്ജി ഇന്ഡോര് സ്റ്റേഡിയത്തില് തിരശ്ശീല ഉയരും. 28 വരെയാണ് മ...
പനജി: 54ാമത് ഗോവ രാജ്യാന്തര ചലച്ചിത്രമേളയ്ക്ക് ഇന്ന് പനാജിയിലെ ശ്യാമപ്രസാദ് മുഖര്ജി ഇന്ഡോര് സ്റ്റേഡിയത്തില് തിരശ്ശീല ഉയരും. 28 വരെയാണ് മേള. കേന്ദ്ര വാര്ത്താവിതരണ പ്രക്ഷേപണ മന്ത്രി അനുരാഗ് സിംഗ് താക്കൂര്, ഗോവ മുഖ്യമന്ത്രി പ്രമോദ് സാവന്ത്, വാര്ത്താവിതരണ പ്രക്ഷേപണ സഹമന്ത്രി ഡോ. എല് മുരുകന് തുടങ്ങിയവര് പങ്കെടുക്കും. മേളയില് മലയാള സിനിമ ആട്ടം ആണ് ഉദ്ഘാടന ചിത്രം.
ഏഴ് മലയാള ചിത്രങ്ങളാണ് ഇന്ത്യന് പനോരമയില് ഇടംപിടിച്ചത്. 408 സിനിമകളില് നിന്ന് സംവിധായകന് ടി എസ് നാഗാഭരണ അധ്യക്ഷനായ ജൂറിയാണ് സിനിമകള് തിരഞ്ഞെടുത്തത്.
നവാഗതനായ ആനന്ദ് ആകര്ഷി സംവിധാനം ചെയ്ത ആട്ടത്തില് വിനയ് ഫോര്ട്ട് ആണ് കേന്ദ്രകഥാപാത്രത്തെ അവതരിപ്പിക്കുന്നത്. നോണ് ഫീച്ചര് വിഭാഗത്തില് മലയാളത്തില് നിന്ന് ശ്രീ രുദ്രവും പനോരമയിലുണ്ട്.
2018 , ഇരട്ട, കാതല്, മാളികപ്പുറം, ന്നാ താന് കേസ് കൊട്, പൂക്കാലം എന്നീ സിനിമകള് പനോരമയിലുണ്ട്. കാന്താര, വാക്സിന് വാര്, വിടുതൈല ഒന്നാംഭാഗം എന്നിവയും പനോരമയില് ഉള്പ്പെട്ടിട്ടുണ്ട്.
മുഖ്യധാര വിഭാഗത്തില് ദ കേരള സ്റ്റോറിക്ക് പുറമേ പൊന്നിയിന് സെല്വന് രണ്ടാം ഭാഗം അടക്കം അഞ്ച് സിനിമകളുണ്ട്. ആനന്ദ ജ്യോതി സംവിധാനം ചെയ്ത മലയാള ചിത്രം ശ്രീ രുദ്രം ഉള്പ്പെടെ 20 ചിത്രങ്ങളാണ് നോണ് ഫീച്ചര് വിഭാഗത്തില് പനോരമയിലുള്ളത്.
Key words: IFFK, Goa, Movie
COMMENTS