തിരുവനന്തപുരം: ഗവര്ണര്-സര്ക്കാര് പോര് വീണ്ടും സുപ്രീം കോടതി കയറുന്നു. നിയമസഭ പാസ്സാക്കിയ ബില്ലുകളില് തീരുമാനം വൈകിപ്പിക്കുന്ന ഗവര്ണറുട...
തിരുവനന്തപുരം: ഗവര്ണര്-സര്ക്കാര് പോര് വീണ്ടും സുപ്രീം കോടതി കയറുന്നു. നിയമസഭ പാസ്സാക്കിയ ബില്ലുകളില് തീരുമാനം വൈകിപ്പിക്കുന്ന ഗവര്ണറുടെ നടപടി ചോദ്യംചെയ്ത് സുപ്രീംകോടതിയില് സംസ്ഥാനം പ്രത്യേക അനുമതി ഹര്ജി ഫയല് ചെയ്തു.
ഇതോടെ, ഒരാഴ്ചക്കിടെ ഗവര്ണര്ക്ക് എതിരെ സംസ്ഥാന സര്ക്കാര് സുപ്രീംകോടതിയില് രണ്ട് ഹര്ജികളാണ് ഫയല് ചെയ്തിരിക്കുന്നത്.
ബില്ലുകളില് തീരുമാനം വൈകിപ്പിക്കുന്ന ഗവര്ണര് കേരളത്തിലെ ജനങ്ങളോടും, നിയമസഭ അംഗങ്ങളോടും കടുത്ത അനീതിയാണ് കാണിക്കുന്നതെന്ന് സംസ്ഥാന സര്ക്കാര് ഫയല് ചെയ്ത പ്രത്യേക അനുമതി ഹര്ജിയില് പറയുന്നു.
നിയമസഭ പാസ്സാക്കിയ എട്ടുബില്ലുകളില് തീരുമാനം വൈകിക്കുന്ന ഗവര്ണര്ക്കെതിരെ സംസ്ഥാന ചീഫ് സെക്രട്ടറിയും, ടി.പി. രാമകൃഷ്ണന് എം.എല്.എയും കഴിഞ്ഞയാഴ്ച്ച സുപ്രീംകോടതിയില് റിട്ട് ഹര്ജി ഫയല് ചെയ്തിരുന്നു.
റിട്ട് ഹര്ജി വെള്ളിയാഴ്ച്ച സുപ്രീംകോടതി പരിഗണിക്കാന് ഇരിക്കെയാണ് സംസ്ഥാനം ഗവര്ണറുടെ നടപടിക്കെതിരെ പ്രത്യേക അനുമതി ഹര്ജിയുമായി സുപ്രീംകോടതിയെ സമീപിച്ചിരിക്കുന്നത്
റിട്ട് ഹര്ജിയില് ഉള്ളതിനേക്കാളും കടുത്ത വിമര്ശനമാണ് ഗവര്ണര്ക്കെതിരെ സ്റ്റാന്ഡിങ് കോണ്സല് സി.കെ. ശശി സുപ്രീംകോടതിയില് ഫയല് ചെയ്തിരിക്കുന്ന പ്രത്യേക അനുമതി ഹര്ജിയില് ഉള്ളത്.
Key words: Kerala, Governor, Court
COMMENTS