കൊച്ചി: കളമശ്ശേരി സമ്ര കണ്വെന്ഷന് സെന്ററിലുണ്ടായ ബോംബ് സ്ഫോടനത്തില് കൊല്ലപ്പെട്ടവരുടെ എണ്ണം നാലായി. തീവ്രപരിചരണ വിഭാഗത്തില് ചികിത്സയി...
കൊച്ചി: കളമശ്ശേരി സമ്ര കണ്വെന്ഷന് സെന്ററിലുണ്ടായ ബോംബ് സ്ഫോടനത്തില് കൊല്ലപ്പെട്ടവരുടെ എണ്ണം നാലായി. തീവ്രപരിചരണ വിഭാഗത്തില് ചികിത്സയിലായിരുന്ന ആലുവ തായിക്കാട്ടുകര ഗണപതിപ്ലാക്കല് മോളി ജോയ് (61) ആണ് ഇന്ന് രാവിലെ 5.08 ന് മരിച്ചത്.
മോളി ജോയ് എറണാകുളം മെഡിക്കല് സെന്ററില് ചികിത്സയിലായിരുന്നു. കളമശ്ശേരി സ്ഫോടനത്തില് മരിച്ചത് നാലും സ്ത്രീകളാണ്. സ്ഫോടനം നടന്ന് ഒരാഴ്ച പിന്നിടുമ്പോള് 20 പേരായിരുന്നു ചികിത്സയിലുണ്ടായിരുന്നത്. തീവ്രപരിചരണ വിഭാഗത്തില് ചികിത്സയിലായിരുന്ന 11 പേരില് മോളിയടക്കം രണ്ടു പേരുടെ നില അതീവ ഗുരുതരമായി തുടരുകയായിരുന്നു.
പെരുമ്പാവൂര് സ്വദേശി ലിയോണ പൗലോസ് (55), തൊടുപുഴ വണ്ണപ്പുറം സ്വദേശി കുമാരി (52), മലയാറ്റൂര് സ്വദേശി ലിബിന (12) എന്നിവരാണ് നേരത്തെ മരിച്ചത്.
COMMENTS