ന്യൂഡല്ഹി: മുകേഷ് അംബാനിയോട് 400 കോടി ആവശ്യപ്പെടുകയും വധഭീഷണി മുഴക്കുകയും ചെയ്ത സംഭവത്തില് ഒരാള് അറസ്റ്റില്. തെലങ്കാന സ്വദേശിയായ 19കാരനാ...
ന്യൂഡല്ഹി: മുകേഷ് അംബാനിയോട് 400 കോടി ആവശ്യപ്പെടുകയും വധഭീഷണി മുഴക്കുകയും ചെയ്ത സംഭവത്തില് ഒരാള് അറസ്റ്റില്. തെലങ്കാന സ്വദേശിയായ 19കാരനാണ് പിടിയിലായത്. ഗണേഷ് രമേഷ് വനപര്ധിനെയാണ് മുംബൈ ഗാംദേവി പൊലീസ് അറസ്റ്റ് ചെയ്തത്.
കഴിഞ്ഞയാഴ്ച്ച മൂന്ന് ഭീഷണി ഇ-മെയിലുകള് അംബാനിക്ക് ലഭിച്ചിരുന്നു. ഓരോ തവണയും ഭീമമായ തുക ആവശ്യപ്പെട്ടായിരുന്നു ഭീഷണി സന്ദേശം. ഏറ്റവും ഒടുവില് ആവശ്യപ്പെട്ടത് 400 കോടിയായിരുന്നു. തന്റെ ഇ-മെയിലുകള് അഴഗണിച്ചാല് ഗുരുതര പ്രത്യാഖാതങ്ങള് നേരിടേണ്ടിവരുമെന്ന് യുവാവ് ഒടുവില് അയച്ച ഇ-മെയിലില് പറഞ്ഞിരുന്നു.
കോടതിയില് ഹാജരാക്കിയ പ്രതിയെ നവംബര് 8 വരെ പൊലീസ് കസ്റ്റഡിയില് വിട്ടു. ഇയാളെ ചോദ്യം ചെയ്തുവരികയാണെന്ന് പൊലീസ് അറിയിച്ചു. ഒക്ടോബര് 28നാണ് ആദ്യ ഇമെയില് വന്നത്. ഒക്ടോബര് 31നും നവംബര് ഒന്നിനും ഇടയില് രണ്ട് ഭീഷണി സന്ദേശങ്ങള് കൂടി ലഭിച്ചു. ഷഹദാബ് ഖാന് എന്ന് സ്വയം പരിചയപ്പെടുത്തിയ ആളാണ് സന്ദേശം അയച്ചിരിക്കുന്നത്. ആദ്യം അയച്ച ഇമെയിലില് 20 കോടി നല്കിയില്ലെങ്കില് മുകേഷ് അംബാനിയെ വധിക്കുമെന്നായിരുന്നു ഭീഷണി. പിന്നീടുള്ള ഇമെയിലുകളില് തുക 200 കോടിയായും 400 കോടിയായും ഉയര്ന്നു.
Key words: Mukesh Ambani, Death Threat, Arrested
COMMENTS