സ്വകാര്യ ബസ് കാല്‍നട യാത്രക്കാരനെ ഇടിച്ചു, ഇറങ്ങിയോടിയ ഡ്രൈവര്‍ ട്രെയിന്‍ തട്ടി മരിച്ചു

കണ്ണൂര്‍: കണ്ണൂരില്‍ കാല്‍നട യാത്രക്കാരനെ ഇടിച്ച സ്വകാര്യ ബസ് ഡ്രൈവര്‍ ഇറങ്ങിയോടിയതിനെ തുടര്‍ന്ന് ട്രെയിന്‍ തട്ടി മരിച്ചു. ബസ് ഡ്രൈവര്‍ മനേ...

കണ്ണൂര്‍: കണ്ണൂരില്‍ കാല്‍നട യാത്രക്കാരനെ ഇടിച്ച സ്വകാര്യ ബസ് ഡ്രൈവര്‍ ഇറങ്ങിയോടിയതിനെ തുടര്‍ന്ന് ട്രെയിന്‍ തട്ടി മരിച്ചു. ബസ് ഡ്രൈവര്‍ മനേക്കര സ്വദേശി ജീജിത്ത് ആണ് മരിച്ചത്. 

കണ്ണൂര്‍ തലശ്ശേരി പെട്ടിപ്പാലത്താണ് ദാരുണമായ സംഭവം. വടകര - തലശ്ശേരി റൂട്ടിലോടുന്ന സ്വകാര്യ ബസാണ് അപകടമുണ്ടാക്കിയത്. പെട്ടിപ്പാലത്തുവെച്ച് ബസ് കാല്‍നട യാത്രക്കാരനെ ഇടിക്കുകയായിരുന്നു. 

സംഭവം നടന്നയുടനെ ഡ്രൈവര്‍ ബസില്‍നിന്ന് ഇറങ്ങിയോടുകയായിരുന്നു. തൊട്ടടുത്ത റെയില്‍വെ ട്രാക്കിലേക്കാണ് ബസ് ഡ്രൈവര്‍ ഓടിയത്. 

ട്രാക്കിലൂടെ ഓടുന്നതിനിടെയാണ് ഇതിലൂടെ കടന്നുപോവുകയായിരുന്ന ട്രെയിന്‍ ഇടിച്ചത്.

Key words: Private Bus, Pedestrian, Hit,  Accident, Train