ഇസ്രയേലിനു പിന്തുണയുമായി അമേരിക്കയുടെ രണ്ടാം വിമാനവാഹിനി, കരയുദ്ധത്തിന് എല്ലാം സജ്ജമെന്ന് ഇസ്രയേല്‍ സേന, വലിയ ഭൂകമ്പമുണ്ടാകുമെന്ന് ഇറാന്റെ മുന്നറിയിപ്പ്

As tensions flare in the Middle East following a terrorist attack by Hamas, the United States has sent a second aircraft carrier to the region

വാഷിംഗ് ടണ്‍: ഹമാസിന്റെ ഭീകരാക്രമണത്തെ തുടര്‍ന്ന് പശ്ചിമേഷ്യയില്‍ സംഘര്‍ഷം കൊടുമ്പിരിക്കൊണ്ടിരിക്കെ, അമേരിക്ക രണ്ടാം വിമാനവാഹിനി കപ്പല്‍ മേഖലയിലേക്ക് അയച്ചു.

യു.എസ് വിമാനവാഹിനിക്കപ്പലായ യുഎസ്എസ് ഡൈ്വറ്റ് ഡി ഐസന്‍ഹോവറാണ് പുതുതായി എത്തുന്നത്. ചെങ്കടല്‍ മേഖലയിലാവും ആണവ ശേഷിയുള്ള ഈ കപ്പല്‍ വിന്യസിക്കുക.

ഇസ്രയേലിന് പിന്തുണ പ്രഖ്യാപിച്ച് യുഎസ്എസ് ജെറാള്‍ഡ് ആര്‍ ഫോര്‍ഡ് നേരത്തെ മെഡിറ്ററേനിയനില്‍ എത്തിയിരുന്നു.

ഇസ്രയേലിനെതിരായ ശത്രുതാപരമായ നടപടികളെ തടയുന്നതിനും ഹമാസിന്റെ ആക്രമണത്തെത്തുടര്‍ന്ന് ഈ യുദ്ധം പടരുന്നത് ഒഴിവാക്കുന്നതിനുമായി അമേരിക്ക രണ്ടാമത്തെ വിമാനവാഹിനിക്കപ്പല്‍ സ്‌ട്രൈക്ക് ഗ്രൂപ്പിനെ കിഴക്കന്‍ മെഡിറ്ററേനിയനിലേക്ക് അയയ്ക്കുന്നതായി പ്രതിരോധ സെക്രട്ടറി ലോയ്ഡ് ഓസ്റ്റിന്‍ പറഞ്ഞു.

യുഎസ്എസ് ഐസന്‍ഹോവറും അതിന്റെ അനുബന്ധ യുദ്ധക്കപ്പലുകളും ഇതിനകം തന്നെ മേഖലയില്‍ വിന്യസിച്ചിരിക്കുന്ന മറ്റൊരു കാരിയര്‍ ഗ്രൂപ്പായ യുഎസ്എസ് ഫോര്‍ഡിനൊപ്പം അണിനിരക്കും.

'ഇസ്രായേലിന്റെ സുരക്ഷയോടുള്ള വാഷിംഗ്ടണിന്റെ പ്രതിബദ്ധതയെയും ഈ യുദ്ധം വിപുലീകരിക്കാന്‍ രാജ്യങ്ങളോ സംഘടനകളോ നടത്തുന്ന നീക്കങ്ങളെ തടയാനുള്ള ദൃഢനിശ്ചയത്തിന്റെ ഭാഗമായാണ് രണ്ടാം കപ്പലും എത്തുന്നത്,' ഓസ്റ്റിന്‍ ഒരു പ്രസ്താവനയില്‍ പറഞ്ഞു.

ഗാസ മുനമ്പിനും ഇസ്രായേലിനും ഇടയിലുള്ള അതിര്‍ത്തിയിലൂടെ ഹമാസ് ഭീകരര്‍ കടന്നുകയറി 1,300-ലധികം ആളുകളെ വധിച്ചിരുന്നു. അവര്‍ തട്ടിക്കൊണ്ടുപോയി ബന്ദികളാക്കിയത് എത്ര പേരെയെന്ന് ഇനിയും വ്യക്തമല്ല. 

ഗാസയില്‍, ഇസ്രായേലിന്റെ തിരിച്ചടിയില്‍ 2,200 ലധികം ആളുകള്‍ കൊല്ലപ്പെട്ടതായി ഹമാസ് നടത്തുന്ന ആരോഗ്യ മന്ത്രാലയം അറിയിച്ചു. ഇസ്രയേല്‍ പ്രദേശത്ത് 1500 ഓളം ഹമാസ് ഭീകരരെ വധിച്ചതായി ഇസ്രായേല്‍ അറിയിച്ചു.

ഗാസയില്‍ ഇസ്രായേല്‍ ബോംബാക്രമണം നടത്തുമ്പോള്‍ സാധാരണക്കാരെ സംരക്ഷിക്കാനുള്ള ശ്രമങ്ങള്‍ക്ക് യുഎസ് പിന്തുണ യുഎസ് പ്രസിഡന്റ് ജോ ബൈഡന്‍ ഇസ്രയേല്‍ പ്രധാനമന്ത്രി ബെന്യാമിന്‍ നെതന്യാഹുവിനെ ഫോണ്‍ സംഭാഷണത്തില്‍ അറിയിച്ചു.

സിവിലിയന്മാരെ സംരക്ഷിക്കുന്നതിനുള്ള എല്ലാ ശ്രമങ്ങള്‍ക്കും പ്രസിഡന്റ് ബൈഡന്‍ തന്റെ പിന്തുണ അറിയിച്ചു. അക്രമം പൊട്ടിപ്പുറപ്പെട്ടതിനുശേഷം ആദ്യമായി ബൈഡന്‍ ശനിയാഴ്ച പലസ്തീന്‍ അതോറിറ്റി നേതാവ് മഹമൂദ് അബ്ബാസുമായും സംസാരിച്ചു.

പലസ്തീന്‍ ജനതയുടെ അന്തസ്സിനും സ്വയം നിര്‍ണ്ണയാവകാശത്തിനും വേണ്ടി ഹമാസ് നിലകൊള്ളുന്നില്ലെന്ന് ബൈഡന്‍ അബ്ബാസിനോട് പറഞ്ഞതായി വൈറ്റ് ഹൗസ് പ്രസ്താവനയില്‍ പറഞ്ഞു.

ഇതേസമയം, വായുവില്‍ നിന്നും കടലില്‍ നിന്നും കരയില്‍ നിന്നുമുള്ള ഏകോപിത ആക്രമണങ്ങള്‍ക്കു സജ്ജമാണെന്ന് ഇസ്രായേല്‍ സൈന്യം അറിയിച്ചു.

വടക്കന്‍ ഗാസയിലെ 11 ലക്ഷം നിവാസികള്‍ക്ക് തെക്കന്‍ പ്രദേശത്തേയ്ക്ക് ആക്രമണത്തിന് മുമ്പ് ഒഴിഞ്ഞുമാറാന്‍ ഉത്തരവിട്ടതിന് പിന്നാലെ ഇസ്രായേല്‍ ഗാസയില്‍ നിരന്തരമായ ബോംബാക്രമണമാണ് നടത്തുന്നത്.

ഗാസയില്‍ ഇസ്രായേല്‍ നടത്തിയ വ്യോമാക്രമണത്തില്‍ ഇതുവരെ 2,329 പലസ്തീനികള്‍ കൊല്ലപ്പെടുകയും ഏകദേശം 9,000 പേര്‍ക്ക് പരിക്കേല്‍ക്കുകയും ചെയ്തിട്ടുണ്ട്. 

ഇസ്രായേലില്‍ കൊല്ലപ്പെട്ടവരുടെ എണ്ണം 1,300 ആണ്, കഴിഞ്ഞ വാരാന്ത്യത്തില്‍ തെക്കന്‍ ഇസ്രായേലില്‍ ഹമാസ് ആക്രമണം ആരംഭിച്ചതിന് ശേഷം 3,400 ലധികം പേര്‍ക്ക് പരിക്കേറ്റു.

ഗാസയ്ക്കെതിരായ യുദ്ധക്കുറ്റങ്ങള്‍ തുടര്‍ന്നാല്‍, ചെറുത്തുനില്‍പ്പിന്റെ 'വലിയ ഭൂകമ്പം' തന്നെ ഉണ്ടാകുമെന്ന് ഇസ്രായേലിന് ഇറാന്‍ മുന്നറിയിപ്പ് നല്‍കി.

Summary: As tensions flare in the Middle East following a terrorist attack by Hamas, the United States has sent a second aircraft carrier to the region. The new arrival is the US aircraft carrier USS Dwight D. Eisenhower. Deploy this nuclear-capable ship in the Red Sea region.