കൊച്ചി: സുരേഷ് ഗോപി വനിതാ മാധ്യമ പ്രവര്ത്തകയോട് അപമര്യാദയായി പെരുമാറിയെന്ന വിവാദത്തില് പ്രതികരണവുമായി ബിജെപി നേതാവും ഗോവ ഗവര്ണറുമായ പി.എസ...
കൊച്ചി: സുരേഷ് ഗോപി വനിതാ മാധ്യമ പ്രവര്ത്തകയോട് അപമര്യാദയായി പെരുമാറിയെന്ന വിവാദത്തില് പ്രതികരണവുമായി ബിജെപി നേതാവും ഗോവ ഗവര്ണറുമായ പി.എസ് ശ്രീധരന് പിള്ള. കൂടുതല് പക്വതയുള്ള സമൂഹമായി മലയാളികള് മാറണമെന്ന് അദ്ദേഹം പ്രതികരിച്ചു.
ഈ വാര്ത്തകള് കാണുമ്പോള് എങ്ങാട്ടാണീ പോക്ക് എന്ന് ചിന്തിക്കേണ്ടി വരുന്നു. മകളോടോ കൊച്ചു മകളോടോ എന്ന പോലെയുള്ള സുരേഷ് ഗോപിയുടെ പ്രതികരണത്തെ ആസൂത്രിതമായി വ്യാപകമായി പ്രചരിപ്പിക്കുന്നുണ്ടെന്ന് അദ്ദേഹം വിശദീകരിച്ചു.
മാത്രമല്ല, മാധ്യമങ്ങള് ഇത്തരം വാര്ത്തകളില് പക്വത കാണിക്കണം എന്നും സിനിമാ രംഗത്ത് ആരോടും മോശമായി പെരുമാറാത്ത വ്യക്തിയാണ് സുരേഷ് ഗോപിയെന്നും ശ്രീധരന് പിള്ള പറഞ്ഞു.
വിവാദമായ സംഭവത്തില് മാധ്യമ പ്രവര്ത്തകയോട് ഫേസ് ബുക്കിലൂടെ സുരേഷ് ഗോപി മാപ്പ് പറഞ്ഞിരുന്നു.
COMMENTS