തിരുവനന്തപുരം: കേരളത്തില് അടുത്ത അഞ്ചുദിവസം മിതമായമഴയോ, ഇടി മിന്നലോടുകൂടിയ മഴയോ തുടര്ന്നേക്കും. 27,28, 29 തീയതികളില് ഒറ്റപ്പെട്ട ശക്തമായ ...
തിരുവനന്തപുരം: കേരളത്തില് അടുത്ത അഞ്ചുദിവസം മിതമായമഴയോ, ഇടി മിന്നലോടുകൂടിയ മഴയോ തുടര്ന്നേക്കും. 27,28, 29 തീയതികളില് ഒറ്റപ്പെട്ട ശക്തമായ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. തീരദേശ മേഖലയില് താമസിക്കുന്നവരും മലയോര മേഖലകളില് താമസിക്കുന്നവരും ജാഗ്രത പാലിക്കണം. എന്നാല് കേരള - കര്ണാടക - ലക്ഷദ്വീപ് തീരങ്ങളില് മത്സ്യബന്ധനത്തിന് വിലക്കില്ല. നിലവില് ഒരു ജില്ലകള്ക്കും മഴ മുന്നറിയിപ്പുകള് പ്രഖ്യാപിച്ചിട്ടില്ല.
വടക്ക് പടിഞ്ഞാറന് ഇന്ത്യക്ക് മുകളില് അതിമര്ദമേഖല രൂപപ്പെടുന്നതിന്റെ ഫലമായി തെക്ക് പടിഞ്ഞാറന് രാജസ്ഥാനില് വരണ്ട കാലാവസ്ഥ തുടരുകയാണ്. ഇതേ തുടര്ന്ന് ഇന്നുമുതല് പടിഞ്ഞാറന് രാജസ്ഥാനില് നിന്ന് കാലവര്ഷ പിന്വാങ്ങല് ആരംഭിക്കാന് സാധ്യതയുണ്ട്. തെക്ക് കിഴക്കന് ഉത്തര്പ്രദേശിന് മുകളിലും തെക്ക് കിഴക്കന് അറബിക്കടലിനും ലക്ഷദ്വീപിനും മുകളിലും വടക്കന് ഒഡിഷക്കു മുകളിലും ചക്രവാതച്ചുഴി സ്ഥിതി ചെയ്യുന്നതിനാല് ബംഗാള് ഉള്ക്കടലില് ന്യൂനമര്ദ സാധ്യതയുണ്ട്.
29 ന് വടക്കന് ആന്ഡമാന് കടലിനു മുകളില് ചക്രവാതച്ചുഴി രൂപപ്പെടാനും സാധ്യതയുണ്ട്. അതിനാല് വരുന്ന 24 മണിക്കൂറിനുള്ളില് വടക്കന് ആന്ഡമാന് കടലിനും മധ്യ കിഴക്കന് ബംഗാള് ഉള്ക്കടലിനും മുകളിലായി ന്യൂനമര്ദമായി ശക്തി പ്രാപിക്കുന്നതിന്റെ സ്വാധീനഫലമായാണ് മഴ പ്രതീക്ഷിക്കപ്പെടുന്നത്.
Keywords: Rain, Alert, Kerala
COMMENTS