തിരുവനന്തപുരം: സംസ്ഥാനത്ത് ഒറ്റപ്പെട്ട ഇടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. മലപ്പുറം...
തിരുവനന്തപുരം: സംസ്ഥാനത്ത് ഒറ്റപ്പെട്ട ഇടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
മലപ്പുറം മുതല് കൊല്ലം വരെയുള്ള ഒമ്പത് ജില്ലകളില് യെല്ലോ അലര്ട്ട് പ്രഖ്യാപിച്ചു. അതേസമയം രാവിലെ യെല്ലോ അലര്ട്ട് പ്രഖ്യാപിച്ചിരുന്ന കാസര്ഗോഡ്, കണ്ണൂര്, വയനാട്, കോഴിക്കോട് ജില്ലകളെ ഒഴിവാക്കി. കൊല്ലം, പത്തനംതിട്ട ജില്ലകള്ക്കാണ് പുതിയതായി ജാഗ്രതാ നിര്ദ്ദേശം നല്കിയത്. തിങ്കളാഴ്ച വരെ മഴ തുടരും.
ഒറ്റപ്പെട്ട സ്ഥലങ്ങളില് മണിക്കൂറില് 30 മുതല് 40 കിലോമീറ്റര് വരെ വേഗത്തില് വീശാവുന്ന കാറ്റും ഉണ്ടാകും. കൂടാതെ കേരള കര്ണാടക ലക്ഷദ്വീപ് തീരങ്ങളില് മത്സ്യബന്ധനത്തിന് ഏര്പ്പെടുത്തിയ വിലക്ക് തുടരുന്നു. ഇതോടൊപ്പം തീരദേശ മേഖലകളില് താമസിക്കുന്നവര് ജാഗ്രത പാലിക്കണമെന്നും നിര്ദ്ദേശമുണ്ട്.
മധ്യ ഒഡീഷയ്ക്കും ഛത്തീസ്ഗഡിനും മുകളിലായി സ്ഥിതി ചെയ്യുന്ന ചക്രവാത ചുഴിയാണ് സംസ്ഥാനത്തെ മഴയ്ക്ക് കാരണം.
Keywords: Rain, Kerala, Alert
COMMENTS