ലക്നൗ: ഉത്തര്പ്രദേശില് മുസ്ലീം വിദ്യാര്ത്ഥിയെ തല്ലാന് ഹിന്ദു വിദ്യാര്ത്ഥികളെ പ്രേരിപ്പിച്ച അധ്യാപികയ്ക്കെതിരെ എഫ്ഐആര് രജിസ്റ്റര് ചെ...
ലക്നൗ: ഉത്തര്പ്രദേശില് മുസ്ലീം വിദ്യാര്ത്ഥിയെ തല്ലാന് ഹിന്ദു വിദ്യാര്ത്ഥികളെ പ്രേരിപ്പിച്ച അധ്യാപികയ്ക്കെതിരെ എഫ്ഐആര് രജിസ്റ്റര് ചെയ്തു. അധ്യാപിക തൃപ്തി ത്യാഗിക്കെതിരെ വകുപ്പുതല നടപടിയും സ്വീകരിക്കും.
വിദ്യാഭ്യാസ വകുപ്പിന് ഇതുമായി ബന്ധപ്പെട്ട് നിര്ദേശം നല്കിയിട്ടുണ്ട്. കുട്ടിയെക്കുറിച്ചുള്ള വിവരങ്ങള് വെളിപ്പെടുത്തരുതെന്ന് അപെക്സ് ചൈല്ഡ് റൈറ്റ്സ്ബോഡി നിര്ദേശം നല്കിയിട്ടുണ്ട്.
വിഷയത്തില് നടപടിയെടുക്കാന് നിര്ദേശം നല്കി വരികയാണെന്നും, സംഭവം വെളിപ്പെടുത്തുന്ന വീഡിയോ ഷെയര് ചെയ്യരുതെന്നും ദേശീയ ബാലാവകാശ സംരക്ഷണ കമ്മീഷന് ചെയര്പേഴ്സണ് പ്രിയങ്ക് കനൂംഗോ പറഞ്ഞു.
കുട്ടിയെ മര്ദിക്കാന് മറ്റ് കുട്ടികള്ക്ക് അധ്യാപിക നിര്ദ്ദേശം നല്കുന്ന വിഡിയോ സമൂഹമാധ്യമങ്ങളില് വ്യാപകമായി പ്രചരിച്ചതോടെയാണ് സംഭവം പുറംലോകം അറിഞ്ഞത്. അതേസമയം, കുട്ടിയുടെ പേരോ, വിലാസമോ ചിത്രങ്ങളോ ആരും പ്രചരിപ്പിക്കരുതെന്ന് പ്രത്യേക നിര്ദേശമുണ്ട്.
Keywords: FIR ,U.P Teacher
COMMENTS