ജഗന്‍ മോഹന്‍ റെഡ്ഡിയുടെ സഹോദരി വൈ.എസ് ശര്‍മിള കോണ്‍ഗ്രസിലേക്ക്

ന്യൂഡല്‍ഹി: ആന്ധ്രാപ്രദേശ് മുന്‍ മുഖ്യമന്ത്രി വൈഎസ്ആറിന്റെ മകളും നിലവിലെ മുഖ്യമന്ത്രി ജഗന്‍ മോഹന്‍ റെഡ്ഡിയുടെ സഹോദരിയുമായ വൈ എസ് ശര്‍മിള സോ...

ന്യൂഡല്‍ഹി: ആന്ധ്രാപ്രദേശ് മുന്‍ മുഖ്യമന്ത്രി വൈഎസ്ആറിന്റെ മകളും നിലവിലെ മുഖ്യമന്ത്രി ജഗന്‍ മോഹന്‍ റെഡ്ഡിയുടെ സഹോദരിയുമായ വൈ എസ് ശര്‍മിള സോണിയാ ഗാന്ധിയുമായി ദില്ലിയില്‍ എത്തി കൂടിക്കാഴ്ച നടത്തി. ഒപ്പം രാഹുല്‍ ഗാന്ധിയേയും കണ്ടു. കോണ്‍ഗ്രസില്‍ തന്റെ പാര്‍ട്ടി ലയിപ്പിച്ച് ആന്ധ്രയില്‍ സഹോദരനും മുഖ്യമന്ത്രിയുമായ ജഗന്‍ മോഹന്‍ റെഡ്ഡിക്കെതിരെ മത്സരിക്കാന്‍ ശര്‍മിള ആലോചിക്കുന്നുവെന്നാണ് സൂചന.

ശര്‍മിള കോണ്‍ഗ്രസുമായി കൂടുതല്‍ അടുക്കുന്നു എന്ന ഊഹാപോഹങ്ങള്‍ ഏറെക്കാലമായി പ്രചരിക്കുന്നുണ്ട്. തെലങ്കാനയിലെ പലയര്‍ നിയമസഭാ മണ്ഡലത്തില്‍ മത്സരിക്കുമെന്ന് ശര്‍മിള നേരത്തെ വ്യക്തമാക്കിയിരുന്നു. 

2019 ലെ ആന്ധ്രാപ്രദേശിലെ നിയമസഭാ തെരഞ്ഞെടുപ്പില്‍ അവര്‍ തന്റെ സഹോദരന്‍ ജഗന്‍ മോഹന്‍ റെഡ്ഡിക്ക് വേണ്ടി ശക്തമായി പ്രചാരണം നടത്തുകയും പിന്നീട് തെലങ്കാനയില്‍ സ്വന്തം പാര്‍ട്ടിയായ വൈഎസ്ആര്‍ടിപി സ്ഥാപിക്കുകയും ചെയ്തിരുന്നു.

Keywords: Jagan Mohan Reddy, YS Sharmila, Congress