തിരുവനന്തപുരം: പിണറായി സര്ക്കാര് തുടര്ച്ചയായി കാട്ടുന്ന അവഗണനയെ തുടര്ന്ന് സാധാരണക്കാരുടെ പൊതുഗതാഗത സംവിധാനമായ കെ.എസ്.ആര്.ടി.സി അടച്ചുപൂ...
തിരുവനന്തപുരം: പിണറായി സര്ക്കാര് തുടര്ച്ചയായി കാട്ടുന്ന അവഗണനയെ തുടര്ന്ന് സാധാരണക്കാരുടെ പൊതുഗതാഗത സംവിധാനമായ കെ.എസ്.ആര്.ടി.സി അടച്ചുപൂട്ടലിന്റെ വക്കിലാണെന്ന് പ്രതിപക്ഷ നേതാവ് വി.ഡി സതീശന്.
ഷെഡ്യൂളുകളെല്ലാം നിര്ത്തലാക്കിയിരിക്കുകയാണ്. സാധാരണക്കാരും വീട്ടുജോലിക്കാരും കൂലിപ്പണിക്കാരും ഉള്പ്പെടെയുള്ളവര് ആശ്രയിക്കുന്ന പൊതുഗതാഗത സംവിധാനത്തെ തകര്ത്ത് തരിപ്പണമാക്കിയിരിക്കുകയാണ്. ഒരു ദയവും ഇല്ലാത്ത തരത്തിലാണ് സര്ക്കാര് കെ.എസ്.ആര്.ടി.സിയോട് പെരുമാറുന്നത്. ശമ്പളവും പെന്ഷനും നല്കാനാകാത്ത സാഹചര്യമാണ് നിലനില്ക്കുന്നത്. കെ.എസ്.ആര്.ടി.സി പൂട്ടിക്കുകയെന്ന ലക്ഷ്യത്തോടെയാണ് കരാര് ജീവനക്കാരെ ഉള്പ്പെടുത്തി സ്വിഫ്റ്റ് ഉണ്ടാക്കിയത്. ലാഭമുള്ള റൂട്ടുകളെല്ലാം സ്വിഫ്റ്റിലേക്ക് മാറ്റി ലാഭകരമല്ലാത്ത റൂട്ടുകളൊക്കെ കെ.എസ്.ആര്.ടി.സി സിക്ക് നല്കി.
കെ.എസ്.ആര്.ടി.സി നഷ്ടത്തിലായിട്ടും സാമ്പത്തികമായി സഹായിക്കാന് സര്ക്കാര് തയാറായില്ല. കെ.എസ്.ആര്.ടി.സിയെ തകര്ത്തതില് സര്ക്കാരാണ് ഒന്നാം പ്രതി. കെ.എസ്.ആര്.ടി.സി അപകടത്തിലേക്കാണ് പോകുന്നതെന്ന് പ്രതിപക്ഷം നിരവധി തവണ നിയമസഭയില് മുന്നറിയിപ്പ് നല്കിയിരുന്നതാണ്. അതാണ് ഇപ്പോള് സംഭവിച്ചുകൊണ്ടിരിക്കുന്നത്.
മനപൂര്വമായി കെ.എസ്.ആര്.ടി.സിയെ ഇല്ലാതാക്കാനുള്ള ശ്രമം നടത്തുന്നതിനിടെയാണ് രണ്ടു ലക്ഷം കോടി രൂപ ചെലവഴിച്ചുള്ള സില്വര് ലൈന് കൊണ്ടുവരാനുള്ള ശ്രമം നടത്തിയത്. സില്വര് ലൈന് അപ്രായോഗികമാണെന്ന യു ഡി എഫിന്റെ ഉറച്ച നിലപാട് ഇപ്പോള് സര്ക്കാരും അംഗീകരിച്ചിരിക്കുകയാണ്.
COMMENTS