മോൻസന്റെ പുരാവസ്തു തട്ടിപ്പു കേസിൽ കെപിസിസി പ്രസിഡന്റ് കെ സുധാകരൻ അറസ്റ്റിൽ, ജാമ്യത്തില്‍ വിട്ടു, ശനിയും ഞായറും കരിദിനം ആചരിക്കുമെന്ന് കോണ്‍ഗ്രസ്

KPCC president K Sudhakaran was arrested and released on bail in the case of antiquities fraudster Monsan Mavunkal, the first accused. The Congress pa

കൊച്ചി : പുരാവസ്തു തട്ടിപ്പുകാരന്‍ മോന്‍സന്‍ മാവുങ്കല്‍ ഒന്നാം പ്രതിയായ കേസില്‍ കെപിസിസി പ്രസിഡന്റ് കെ സുധാകരന്‍ അറസ്റ്റു ചെയ്ത ശേഷം ജാമ്യത്തില്‍ വിട്ടു. സുധാകരന്റെ അറസ്റ്റില്‍ പ്രതിഷേധിച്ച് ശനിയും ഞായറും കരിദിനം ആചരിക്കുമെന്ന് കോണ്‍ഗ്രസ് പാര്‍ട്ടി അറിയിച്ചു.  

ഏഴര മണിക്കൂര്‍ ചോദ്യം ചെയ്ത ശേഷമാണ് അറസ്റ്റ്. കോടതി നിര്‍ദേശമുള്ളതിനാല്‍ അറസ്റ്റ് രേഖപ്പെടുത്തിയ ശേഷം അദ്ദേഹത്തെ ജാമ്യത്തില്‍ വിടുകയായിരുന്നു.

കളമശേരി ക്രൈംബ്രാഞ്ച് ഓഫീസിലായിരുന്നു  ചോദ്യം ചെയ്യല്‍. കേസിലെ രണ്ടാം പ്രതിയാണ് കെ  സുധാകരന്‍.  

അറസ്റ്റ് വേണ്ടിവന്നാല്‍ 50,000 രൂപയ്ക്കും തുല്യതുകയ്ക്കുള്ള രണ്ടാളുടെ ഉറപ്പിലും ജാമ്യം അനുവദിക്കണമെന്ന്  ഹൈക്കോടതി ഉത്തരവിട്ടിരുന്നു. ഇതാണ് സുധാകരന് ജയില്‍വാസം ഒഴിവാക്കുന്നത്.

 

ഡിവൈ എസ്പി വൈ.ആര്‍. റസ്തമാണ് അന്വേഷണ ഉദ്യോഗസ്ഥന്‍. ഈ കേസിലെ മൂന്നാം പ്രതി ഐജി ജി.ലക്ഷ്മണാണ്. അദ്ദേഹത്തിനും ഹൈക്കോടതി ഇടക്കാല ജാമ്യം അനുവദിച്ചിരുന്നു. അദ്ദേഹത്തെ  എന്നു ചോദ്യം ചെയ്യുമെന്ന് ക്രൈംബ്രാഞ്ച് വെളിപ്പെടുത്തിയിട്ടില്ല.

Summary: KPCC president K Sudhakaran was arrested and released on bail in the case of antiquities fraudster Monsan Mavunkal, the first accused. The Congress party has announced that it will observe Black Day on Saturday and Sunday in protest against Sudhakaran's arrest.