മണിപ്പൂര്‍ മുഖ്യമന്ത്രി പങ്കെടുക്കാനിരുന്ന ചടങ്ങിന്റെ വേദി കത്തിച്ച് ജനക്കൂട്ടം

Manipur CM's event venue vandalised

ഇംഫാല്‍: മണിപ്പൂര്‍ മുഖ്യമന്ത്രി പങ്കെടുക്കാനിരുന്ന ചടങ്ങിന്റെ വേദി കത്തിച്ച് ജനക്കൂട്ടം. വ്യാഴാഴ്ച രാത്രിയാണ് അക്രമം നടന്നത്. മണിപ്പൂര്‍ മുഖ്യമന്ത്രി ബിരേന്‍ സിങ് ഉദ്ഘാടനം ചെയ്യാനിരുന്ന ഓപ്പണ്‍ ജിമ്മും സ്‌പോര്‍ട്‌സ് കോംപ്ലക്‌സിന്റെയും വേദിയാണ് ജനം അഗ്നിക്കിരയാക്കിയത്. ആക്രമാസക്തരായ ജനക്കൂട്ടം ജിമ്മിലെ ഉപകരണങ്ങളടക്കം നശിപ്പിച്ചു. 

പൊലീസ് ഉടന്‍ സ്ഥലത്തെത്തി സ്ഥിതിഗതികള്‍ നിയന്ത്രിച്ചെങ്കിലും കനത്ത നാശനഷ്ടമാണ് ജനക്കൂട്ടം വരുത്തിയത്. സ്ഥലത്ത് സംഘര്‍ഷാവസ്ഥ നിലനില്‍ക്കുകയാണ്. 

ആളുകള്‍ സമൂഹ മാധ്യമങ്ങളിലൂടെ ആഹ്വാനം ചെയ്ത് ഒത്തുകൂടുന്നത് ഒഴിവാക്കാനായി സ്ഥലത്ത് ഇന്റര്‍നെറ്റ് സേവനം റദ്ദാക്കിയിരിക്കുകയാണ്. 

ബി.ജെ.പി ഭരിക്കുന്ന സംസ്ഥാനമാണ് മണിപ്പൂര്‍. സര്‍ക്കാര്‍ സംരക്ഷിത വനങ്ങളുടെയും നീര്‍ത്തടങ്ങളുടെയും സര്‍വെ നടത്തുന്നതില്‍ പ്രതിഷേധിച്ച്‌ പരമ്പരാഗത ഗോത്ര വിഭാഗ നേതാക്കളുടെ നേതൃത്വത്തിലാണ്‌  അക്രമമെന്നാണ് വിവരം. സ്ഥലത്ത് നിരോധനാജ്ഞ പുറപ്പെടുവിച്ചിരിക്കുകയാണ്.

Keywords: Manipur, CM, Event, Venue, Fire