Gujarat Titans captain Hardik Pandya revealed that he had decided in principle to join Lucknow Supergiants during the last IPL season
സ്വന്തം ലേഖകന്
ന്യൂഡല്ഹി : ഐപിഎല് സീസണില് കഴിഞ്ഞ ലക്നൗ സൂപ്പര് ജയന്റ്സില് ചേരുന്നതിനു തത്വത്തില് തീരുമാനിച്ചിരുന്നുവെന്ന് ഗുജറാത്ത് ടൈറ്റന്സ് ക്യാപ്റ്റന് ഹാര്ദിക് പാണ്ഡ്യ വെളിപ്പെടുത്തി.
ലക്നൗവില് ചേരുന്നതിനുള്ള നടപടികള് ആരംഭിച്ചപ്പോഴാണ് ടൈറ്റന്സ് പരിശീലകന് ആശിഷ് നെഹ്റ വിളിച്ചതും കഥയാകെ മാറിയതുമെന്ന് ഗുജറാത്ത് ടൈറ്റന്സ് പോഡ്കാസ്റ്റില് ഹാര്ദിക് പറയുന്നു.
ലക്നൗവില് നിന്ന് എനിക്കൊരു ഫോണ് വന്നു. ടീം ക്യാപ്റ്റന് കോള് വന്നു. എനിക്കറിയാവുന്നയാളാണ്. എന്നെ അറിയുന്ന ഒരാള്ക്കൊപ്പം കളിക്കുകയെന്നത് പ്രധാനമായിരുന്നു. അപ്പോഴാണ് നെഹ്റ വിളിച്ചത്. ആ സമയത്ത് ഗുജറാത്ത് ടീമിലെ കാര്യങ്ങളൊന്നും പൂര്ണമായി തീരുമാനിമായിരുന്നില്ല.
താനാണ് പരിശീലകനെന്നും കഴിയുമെങ്കില് ക്യാപ്റ്റന് സ്ഥാനം ഏറ്റെടുക്കാനും നെഹ്റ പറഞ്ഞു. അതെനിക്ക് അതിശയമായിരുന്നു. എന്നെ നന്നായി അറിയുന്ന ആളാണ് നെഹ്റ.
അത്ര മികച്ച ടീം അല്ലാതിരുന്നിട്ടും ഗംഭീര ക്യാപ്ടന്സിയിലൂടെ ആദ്യ സീസണില് തന്നെ പാണ്ഡ്യയുടെ കീഴില് ഗുജറാത്ത് കിരീടം നേടുന്നതാണ് പിന്നെ കണ്ടത്. അവിടെനിന്ന് ഇന്ത്യന് ടീമിന്റെ ടി-20 താത്കാലിക ക്യാപ്റ്റന് സ്ഥാനത്തേയ്ക്കും പാണ്ഡ്യ എത്തുന്നതും പിന്നീടത്തെ ചരിത്രം.
COMMENTS