ടിപിആര്‍ 28.25 ശതമാനം, കേരളത്തില്‍ വീണ്ടും കോവിഡ് സാമൂഹ്യ വ്യാപനം, കേന്ദ്ര മുന്നറിയിപ്പ്

It is reported that there has been a community spread of Covid again in Kerala. The central government has warned that Kerala is at a dangerous level

സ്വന്തം ലേഖകന്‍

ന്യൂഡല്‍ഹി : കേരളത്തില്‍ കോവിഡ് വീണ്ടും സാമഹ്യ വ്യാപനം സംഭവിച്ചതായി റിപ്പോര്‍ട്ട്. ടെസ്റ്റ് പോസിറ്റിവിറ്റി  നിരക്കില്‍ കേരളം അപകടകരമായ നിലയിലാണെന്ന് കേന്ദ്ര സര്‍ക്കാര്‍ മുന്നറിയിപ്പു നല്കി.

പരിശോധനയില്‍ എത്ര ശതമാനം പേര്‍ പോസിറ്റീവായി എന്നു വ്യക്തമാക്കുന്നതാണ് കോവിഡ് സ്ഥിരീകരണ നിരക്ക് അഥവാ ടിപിആര്‍.

ടിപിആര്‍ അപകട നിലയിലാണെങ്കിലും ആശുപത്രിയിലാകുന്നവരുടെ എണ്ണത്തിലോ രോഗതീവ്രതയിലോ വര്‍ധനയില്ലെന്നതാണ അശ്വാസം. ഈ മാസം 19ന് അവസാനിച്ച ആഴ്ചയില്‍ കേരളമൊട്ടാകെ ടിപിആര്‍ 28.25 ശതമാനമാണ്.

എറണാകുളം ജില്ലയില്‍ ടിപിആര്‍ 35 ശതമാനമാണ്. ആലപ്പുഴയിലാണ് കുറവ്, 20%. ടിപിആര്‍ അഞ്ചു ശതമാനത്തില്‍ താഴെയാകുമ്പോള്‍ മാത്രമേ സ്ഥിതി നിയന്ത്രണവിധേയമാകൂ എന്നാണ് ലോകാരോഗ്യ സംഘടനയുടെ അഭിപ്രായം.

 മുന്‍കരുതല്‍ നടപടിയും ജാഗ്രതയും വേണമെന്ന് കേന്ദ്ര  ആരോഗ്യ സെക്രട്ടറി രാജേഷ് ഭൂഷണ്‍ കേരള ആരോഗ്യവകുപ്പു പ്രിന്‍സിപ്പല്‍ സെക്രട്ടറി ടിങ്കു ബിസ്വാളിന് കത്തു നല്‍കി. ഡല്‍ഹി, തമിഴ്‌നാട്, യുപി, കര്‍ണാടക, രാജസ്ഥാന്‍, മഹാരാഷ്ട്ര, ഹരിയാന, സംസ്ഥാനങ്ങള്‍ക്കും കേന്ദ്രം കത്തു നല്‍കി.

രാജ്യത്താകെ ടിപിആര്‍ 5.5 ശതമാനത്തിലാണ് നില്കുന്നത്. ഡല്‍ഹിയിലാണ് ഏറ്റവുമധികം രോഗികളുള്ളത്. രണ്ടാം സ്ഥാനത്താണ് കേരളം. ഒരു മാസം മുന്‍പ് കേരളത്തില്‍ ടിപിആര്‍ അഞ്ചു ശതമാനത്തില്‍ താഴെയായിരുന്നു.

Summary: It is reported that there has been a community spread of Covid again in Kerala. The central government has warned that Kerala is at a dangerous level in terms of test positivity rate. The relief is that there has been no increase in the number of hospitalizations or the severity of the disease, even though TPR is at risk. In the week ending on 19th of this month, TPR for Kerala as a whole is 28.25 percent.